Ulttyq biryńǵaı testileý kezinde tarıhqa degen ókpe-naz estilmedi - Memleket tarıhy ınstıtýtynyń dırektory
ASTANA. 31 shilde. QazAqparat - Mektepterge arnalǵan tıptik baǵdarlamalar men oqýlyqtar saraptamadan ótkizildi.
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte Memleket tarıhy ınstıtýtynyń dırektory, tarıh ǵylymdarynyń doktory Búrkitbaı Aıaǵan málim etti.
«Jalpy bilim beretin mektepterge arnalǵan tıptik baǵdarlamalar men oqýlyqtar saraptamadan ótkizildi jáne jańartyldy. Baıqasańyzdar, bıylǵy ótkizilgen Ulttyq biryńǵaı testileý kezinde tarıhqa degen ókpe-naz estilmedi»,-dedi ol.
Sonymen qatar B. Aıaǵan Bilim jáne ǵylym mınıstriniń buıryǵyna sáıkes zertteý ádistemesi men metodologııasyn jańǵyrtý mindetteri júktelgen oqý-ádistemelik ortalyqtary ashylǵanyn aıta kele, ál-Farabı atyndaǵy Qazaq Ulttyq ýnıversıtetinde azııalyq nomadtyq órkenıetti zertteý ortalyǵynyń jumysy jolǵa qoıylǵandyǵyn jetkizdi.
