Ulttyq biliktilik júıesi aıasynda kásiptik standarttar ázirlenedi - Bilim jáne ǵylym vıtse-mınıstri
ASTANA. 16 qańtar. QazAqparat - Ulttyq biliktilik júıesi aıasynda kásiptik standarttar ázirlenedi. Bul týraly búgin QR Parlamenti Májilisi Áleýmettik-mádenı damý komıtetiniń keńeıtilgen otyrysynda Bilim jáne ǵylym vıtse-mınıstri Takır Balyqbaev aıtty.
Eńbek naryǵy men údemeli ındýstrıaldy-ınnovatsııalyq damý suranystaryna sáıkes kadrlardy daıyndaý máselesine toqtalǵan T.Balyqbaev: «Bul saladaǵy jumystar bastalǵan. Ony ary qaraı jalǵastyramyz. Ulttyq biliktilik júıesiniń arasynda kásiptik standarttar daıyndalady. Sol bizdiń bilim berýdiń baǵdarlamalarynyń negizi bolady», - dedi.
Vıtse-mınıstrdiń atap ótýinshe, joǵaryda atalǵandarǵa qosymsha memlekettik tapsyrys ekonomıka suranystaryna saı keletin bolady jáne JOO-lardy ońtaılandyrý aıasynda lıtsenzııalyq talaptarǵa saı kelmeıtin joǵary oqý oryndaryn odan ary qysqartý boıynsha jumystar jalǵasady.
