Ulttyq banktiń qyzmetkeri retinde telefon shalatyn alaıaqtar kóbeıgen

NUR-SULTAN. QazAqparat - Ulttyq bank aqsha jymqyrý maqsatynda azamattardyń jeke derekterine ıe bolý úshin Ulttyq banktiń qyzmetkeri retinde telefon shalatyn alaıaqtardyń kóbeıe bastaǵanyn eskertedi, dep habarlaıdy QazAqparat.

«Alaıaqtar telefon arqyly baılanysqan kezde bank shotynyń nómirleri men nesıeniń bar-joǵy týraly aqparatty suraıdy. Sonymen birge, «tehnıkalyq monıtorıng» maqsatynda degen jeleýmen azamattardan tólqujat derekterin, atap aıtqanda, JSN málimetin bilgisi keledi. Alaıaqtar, sonymen qatar tekserý úshin dep shot ashýdy nemese test rejiminde nesıe alýǵa ótinish berýdi jáne úshinshi taraptyń shotyna aqsha aýdarýǵa úndeıdi», delingen eskertýde.

«Ulttyq bank «aqsha jiberińiz» degen elektrondy hat pen belgisiz nómirden túsken qońyraýǵa jaýap bermeýge keńes beredi.

«Belgisiz bank shotynyń rekvızıti kórsetilgen «aıaq asty aqshaǵa tap bolasyz» degen habarlama nemese telefon qońyraýy kóbinese alaıaqtardyń áreketi bolyp shyǵady», delingen habarlamada.

Ulttyq banktiń málimdeýinshe, qarjy salasyn retteýshi jeke tulǵanyń shotyna qyzmet kórsetpeıdi, aqshalaı esep aıyrysý men mámile jasamaıdy. Onda shottar tek qana Ulttyq banktiń, ekinshi deńgeıli bankterdiń, shekteýli zańdy tulǵalardyń operatsııalaryn esepke alý úshin ǵana ashylady.

Ulttyq bankten «aqsha aýdaryńyz» degen sıpatta kúmándi hat kelse nemese qońyraý tússe, quqyq qorǵaý organdaryna aryzdaný qajet.