Ulttyq banktiń kadr rezervine úmitkerlerdi irikteý bastaldy
NUR-SULTAN. QazAqparat - Qazaqstan Ulttyq banki kadr rezervine úmitkerlerdi irikteý bastalǵanyn málim etti, dep habarlaıdy QazAqparat.
Qatysý úshin 2022 jylǵy 5 qańtar – 2022 jylǵy 5 aqpan aralyǵynda Qazaqstan Ulttyq bankiniń saıtynda elektrondyq rezıýme toltyrý qajet.
Kandıdattardy irikteý kezindegi negizgi ólshemsharttar: bilimi, joǵary biliktilik deńgeıi, jumys tájirıbesi, halyqaralyq sertıfıkattardyń bolýy (qarjy, IT salasynda).
Kadr rezervine irikteý kezeń-kezeńimen júrgiziledi.
Birinshi kezeń – túıindeme men motıvatsııalyq hat (esse) joldaý, odan keıin olardy qaraý qorytyndysy boıynsha kandıdattardy Ulttyq banktiń adam kapıtalyn damytý departamentiniń ókilderi, sondaı-aq múddeli bólimshe basshylary áńgimelesýge shaqyrady.
Іrikteýden ótken jáne kadr rezervine alynǵan izdenýshiler jyl ishinde Qazaqstan Ulttyq bankine jumysqa ornalasýy múmkin.
Kadr rezervine alynǵan kandıdattar tizimi qarjy retteýshisiniń saıtynda jarııalanady.
