Ulttyq banktiń halyqaralyq rezervi 33 mlrd dollardy qurady

NUR-SULTAN. QazAqparat - Ulttyq banktiń halyqaralyq rezervi 2022 jylǵy sáýirde 33,4 mlrd AQSh dollaryn qurap, 0,8%-ǵa ósti. Bul týraly QazAqparat UB baspasóz qyzmetine silteme jasap habarlaıdy.

«Altynnyń portfeli ulǵaıýy jáne Qarjy mınıstrliginiń Ulttyq Banktegi shottaryna qarajat túsýi esebinen altynvalıýta rezervteri ósti. Altyn portfeli basym quqyqty iske asyrý sheńberinde altyndy satyp alýǵa baılanysty 200 mln dollardan astam ósti. Eldiń jalpy halyqaralyq rezervteri, jalpy alǵanda, Ulttyq qordyń shetel valıýtasyndaǵy aktıvterin (52,5 mlrd AQSh dollary) qosa, 2022 jylǵy sáýirdiń sońynda 85,9 mlrd AQSh dollaryn qurady.

2022 jylǵy sáýirde aqsha bazasy 7,6%-ǵa tarylyp, 9 968,0 mlrd teńgeni qurady», - delingen habarlamada.

2022 jylǵy sáýirde aqsha massasy 28 984,2 mlrd teńge bolyp, 1,8%-ǵa (jyl basynan bastap – 3,7%-ǵa) tómendedi. Al aınalymdaǵy qolma-qol aqsha 3 106,6 mlrd teńgege deıin 1,6%-ǵa (jyl basynan bastap 3,6%-ǵa) ósti.