Ulttyq banktiń Astanaǵa kóshý máselesi talqylanyp jatyr - D.Aqyshev
ALMATY. QazAqparat - Búgin Almatyda bolǵan baspasóz máslıhaty barysynda QR Ulttyq bankiniń tóraǵasy Danııar Aqyshev Ulttyq banktiń Astanaǵa kóshý máselesi jaıynda túsinikteme berdi.
Bas bankır óz sózinde bul máseleniń qazir talqylanyp jatqandyǵyn, degenmen, qazirgi tańda eki qalanyń arasynda júrip-turý oǵan eshqandaı qıyndyq týǵyzbaıtyndyǵyn aıtty.
«Biz Ulttyq bankti kóshirý máselesin talqylap jatyrmyz. Biraq Astanaǵa baryp kelý jóninen eshqandaı qıyndyq kórip turǵanym joq. Men Úkimettegi, Prezıdent ákimshiligindegi barlyq otyrystarǵa turaqty túde qatysyp turamyn. Onyń ústine qazir meniń bir orynbasarym - Alpysbaı Ahmetov turaqty negizde osy Astanada jumys isteıdi. Sáıkesinshe, Ulttyq banktiń Almatydaǵy basshylaryna túser salmaq azaıdy. Biz eki qalaǵa jumys istep atyrmyz. Bul qalypty jaǵdaı. Eshqandaı yńǵaısyzdyǵy joq», - dedi D.Aqyshev.
