Ulttyq banktiń altyn-valıýta rezervteri 30,5 mlrd. AQSh dollaryn qurady
ASTANA. QazAqparat - QR UB altyn-valıýta rezervteri jyl basynan bastap 2,7 mlrd. dollarǵa ósti.
Bul týraly búgin Parlament Májilisiniń jalpy otyrysynda QR Ulttyq bank tóraǵasy Danııar Aqyshev málim etti. Májilismender «2017-2019 jyldarǵa arnalǵan respýblıkalyq bıýdjet týraly» zań jobasyn talqylaýda, dep habarlaıdy QazAqparat.
«Ulttyq banktiń altyn-valıýta rezervteri 2016 jylǵy qazannyń sońynda 30,5 mlrd. AQSh dollaryn qurady. Jyl basynan bastap 2,7 mlrd. dollarǵa ósti»,-dedi Danııar Aqyshev.
Taratylǵan málimetterge qaraǵanda, Ulttyq qordyń shetel valıýtasyndaǵy aktıvteri bir aıda 3,6%-ǵa tómendep (onyń ishinde valıýtalyq bırjada 544,3 mln. AQSh dollary somasyna konvertatsııalaý operatsııalaryn júrgizý esebinen), jedel derekter boıynsha 62,2 mlrd. AQSh dollaryn qurady. Eldiń halyqaralyq rezervteriniń jalpy somasy 92,8 mlrd. AQSh dollarǵa jetti.
