Ulttyq bankte jumys isteıtin áıelderdiń bala týý kórsetkishi respýblıkalyq ortasha kórsetkishten birneshe ese joǵary - Grıgorıı Marchenko
ALMATY. 6 naýryz. QazAqparat - QR Ulttyq bankiniń tóraǵasy Halyqaralyq áıelder merekesi kezinde óz mekemesinde jumys jasaıtyn barlyq áıelderge jyl saıyn óz qarjysyna gúl satyp alyp syılaıdy. Bul týraly bas bankır búgin Almatyda qarjy naryǵyndaǵy ahýal týraly baspasóz máslıhaty kezinde aıtty.
«Áleýmettik járdemaqy tóleýde jumys berýshiler úlken ról atqarý kerek. Biz bul máseleni uzaq jyldardan beri aıtyp kele jatyrmyz. Máselen QR Ulttyq bankinde jumys jasaıtyn 630 áıeldiń qazir 112-si dekrette. Bizde qyzmet etetin áıelder qaýymynyń bala týý kórsetkishi respýblıkalyq ortasha kórsetkishten birneshe ese joǵary», - deıdi bas bankır Grıgorıı Marchenko. Onyń aıtýynsha, Ulttyq bankte isteıtin qyzmetkerlerdiń 63 paıyzy áıelder. Al basshylyq qyzmettegilerlerdiń 52 paıyzyn áıelder quraıdy.
