Ulttyq bankiniń «Baıqońyr» eskertkish kúmis monetasy halyqaralyq baıqaýda ekinshi júldege ıe boldy

Baıqaý Italııanyń Vıchentsa qalasynda ústimizdegi jyldyń 14 aqpanynda ótti.

Mundaı joǵary marapat sımvoldyq obektilerdi biregeı ázirlegeni jáne joǵary tehnologııalyq óndiriste biregeı turǵydan qoldanylatyn kúmis pen tantaldy sheber úılestirgeni úshin berilip otyr.

Monetanyń bet jaǵynda (aversinde) stıldendirilgen juldyzdy aspan jáne adam men ǵalam birliginiń nyshany retinde eki adamnyń sulbasy beınelengen.

Al monetanyń syrt jaǵynda (reversinde) kóshpendiler áleminde ǵaryshqa arnalǵan tereze, búkil adamzat úshin Baıqońyr ǵarysh aılaǵy ashqan tereze retinde túsindiriletin «Shańyraq» keskinin quraıtyn jerserikteri orbıtasynyń stıldendirilgen beıneleri kórsetilgen.