Ulttyq banki bazalyq mólsherlemeni jarııalady

NUR-SULTAN. QazAqparat - Qazaqstan Respýblıkasy Ulttyq banki bazalyq mólsherlemeni +/-1,0 p.t. paıyzdyq dálizimen jyldyq 9,00% deńgeıinde saqtaý týraly sheshim qabyldady. Bul týraly QazAqparat banktiń baspasóz qyzmetine silteme jasap habarlaıdy.

Tıisinshe ótimdilikti usyný jónindegi turaqty qoljetimdi operatsııalar boıynsha mólsherleme 10,00% jáne ótimdilikti alý jónindegi turaqty qoljetimdi operatsııalar boıynsha mólsherleme 8,00%bolady.

Sheshim azyq-túlik naryqtaryndaǵy saqtalyp otyrǵan teńgerimsizdikterge, syrtqy sektordaǵy joǵary belgisizdikke, sondaı-aq ınflıatsııanyń jyldamdaý táýekelderiniń bolýyna baılanysty ekonomıkadaǵy basym proınflıatsııalyq qysymǵa negizdelgen. Halyqtyń ınflıatsııalyq kútýleri turaqtalmaǵan jáne joǵary deńgeıde qalyp otyr.

Sonymen qatar tutynýshylyq suranys tarapynan dezınflıatsııalyq áserdiń birtindep álsireýi kútilýde, bul epıdemıologııalyq ahýaldyń jaqsarýy jaǵdaıynda ekonomıkalyq belsendiliktiń qalpyna kelýine baılanysty bolady.