Ulttyq bank «Jylan jyly» monetasyn aınalysqa shyǵardy

 Bul týraly UB baspasóz qyzmetinen habarlandy.

Moneta on eki qyrly nysanda jasalǵan. Monetalardyń bet jaǵynda (aversinde) ortalyq bóliginde aspan álemindegi juldyzdar kartasynda juldyzdar shoǵyrynyń mıftik sımvoldary beınelengen jáne moneta daıyndalǵan metaldy, onyń synamasy men massasyn «Au 999 7,78 g» bildiretin jazý beınelengen. Monetany aınaldyra jalpaq kúńgirt jıek júrgizilgen, onyń ústine - monetanyń nomınalyn bildiretin «500 TEŃGE» degen oıyp jazylǵan qaýsyrma bar, memlekettik tilde «QAZAQSTAN RESPÝBLIKASY», aǵylshyn tilinde «REPUBLIC OF KAZAKHSTAN» degen jazý jáne kúnniń stıldendirilgen beınesi berilgen.

Monetalardyń syrt jaǵynda (reversinde) ortalyq bólikte shyǵys kúntizbesi boıynsha 2013 jyldyń sımvoly - jylan beınelengen jáne Qazaqstan teńge saraıynyń taýar belgisi ornalasqan. Monetany aınaldyra jalpaq kúńgirt jıek júrgizilgen, onyń ústine - monetanyń soǵylǵan jylyn bildiretin «2013» oıyp jazylǵan qaýsyrma bar, memlekettik tilde «ShYǴYS KÚNTІZBESІ», orys tilinde «VOSTOChNYI KALENDARЬ» jáne aǵylshyn tilinde  «ORIENTAL CALENDAR» degen sózder oıyp jazylǵan. Kúńgirt jıektiń ishki jaǵyna shyǵys kúntizbesiniń qalǵan on bir sımvoly ornalasqan. Qyry (gýrty) tegis, bedersiz, jazýy joq. Eskertkish monetalar  999 synamdy altynnan jasalǵan,  massasy 7,78 gramm,  sıpattalǵan sheńber dıametri  - 21,87 mm, daıyndalý sapasy - «proof», taralymy -  3 myń dana.