Ulttyq bank «Jeńiske 75 jyl» monetasyn aınalymǵa shyǵardy
ALMATY. QazAqparat – Ulttyq bank Jeńistiń 75 jyldyǵyna arnalǵan kollektsııalyq monetalardy aınalymǵa shyǵarady, dep habarlaıdy QazAqparat.
Ulttyq bank 2020 jylǵy 27 naýryzda nomınaly 500 teńgelik kúmisten, nomınaly 100 teńgelik MN25 melhıor qospasynan jáne nomınaly 100 teńgelik neızılber qospasynan «Este qalatyn oqıǵalar men birtýar adamdar» serııasynan «JEŃІSKE 75 JYL» kollektsııalyq monetalaryn aınalysqa shyǵarady .
QR jarııalanǵan tótenshe jaǵdaıǵa baılanysty monetalardy satý keıinirek júzege asyrylady. Satý kúni týraly aqparat Qazaqstan Ulttyq bankiniń resmı saıtynda qosymsha aqparat ornalastyrylatyn bolady.
«Jeńiske 75jyl» monetalarynyń sıpattamasy: Grafıkalyq kompozıtsııasynyń negizinde soǵys ákelgen alapatty sıpattaıtyn qabyrǵanyń bólingen jaryǵy aıasynda sovet jaýyngeriniń stıldendirilgen beınesi bar.
Aldyńǵy jaǵynda máńgilik ottyń beınesi, onyń jalynynan jer betindegi beıbitshilik úshin sovet jaýyngerleri ómirleriniń nyshany ispettes kógershinderdiń kókke samǵaǵan beınesi kórsetilgen.
Kompozıtsııanyń oń bóliginde – qalampyr gúliniń stıldendirilgen beınesi. Joǵary bóliginde – mereıtoılyq datalardy bólip turǵan jáne jaýyngerdiń beınesin ustap turǵan bes qyrly juldyz beınelengen.
Monetanyń reversindegi jazý kırıllıtsada oryndalǵan, bul sol ýaqyttaǵy oqıǵalarmen tarıhı baılanysty basa kórsetedi. Monetanyń dızaınyna Qazaqstan Ulttyq Banki 1941-1945 jyldardaǵy Uly Otan soǵysyndaǵy Jeńistiń 75 jyldyǵyn merekeleý sheńberinde ótkizgen «JEŃІS MONETASYN JASA!» Jalpy respýblıkalyq konkýrs jeńimpazdarynyń ıdeıalary paıdalanyldy.
«Qara proof» daıyndaý sapasymen kúmisten jasalǵan monetalar 925/1000 synamdy kúmisten, massasy 24 gramm, dıametri 37 mm, nomınaly 500 teńgelik, daıyndaý taralymy 2 000 (eki myń) dana daıyndaldy. MN25 melhıor qospasynan, massasy 15 gramm, dıametri 33 mm, «brilliant uncirculated» daıyndaý sapasymen, nomınaly 100 teńgelik, daıyndaý taralymy 8 000 (segiz myń) dana daıyndaldy.
MNTs 15-20 neızılber qospasynan, massasy 11,17 gramm, dıametri 31 mm, «brilliant uncirculated» daıyndaý sapasymen, nomınaly 100 teńgelik, daıyndaý taralymy 100 000 (bir júz myń) dana daıyndaldy.
Monetalar kollektsııalyq quny boıynsha satýǵa arnalǵan.
Nomınaly 500 teńgelik jáne 100 teńgelik kollektsııalyq monetalar tólemderdiń barlyq tólemderi boıynsha Qazaqstan Respýblıkasynyń búkil aýmaǵynda olardyń belgilengen qunymen qabyldanýǵa, sondaı-aq bank shottaryna esepke jazylýǵa jáne aýdarylýǵa mindetti, Qazaqstan Respýblıkasynyń barlyq bankterinde shekteýsiz usaqtalady jáne aıyrbastalady.
Kúmisten daıyndalǵan monetalar kádesyılyq oramda shyǵarylady jáne Qazaqstan Ulttyq Bankiniń memlekettik, orys jáne aǵylshyn tilderinde nómirlik sapa sertıfıkatymen jabdyqtalǵan.
Melhıor qospasynan daıyndalǵan monetalar arnaıy polıgrafııalyq oramda shyǵarylady.
Kollektsııalyq monetalar «Qazaqstan Respýblıkasy Ulttyq Bankiniń Qazaqstan teńge saraıy» sharýashylyq júrgizý quqyǵyndaǵy respýblıkalyq memlekettik kásipornynda daıyndalǵan.
