Ulttyq bank jekelegen damýshy elderdiń valıýtalaryna sholý jarııalady
NUR-SULTAN. QazAqparat – Ulttyq bank 25 maýsym men 3 shilde aralyǵyndaǵy jekelegen damýshy elderdiń valıýtalaryna sholýyn jarııalady, dep habarlaıdy QazAqparat.
3 shildedegi saýda-sattyq qorytyndysy boıynsha, teńgeniń naryqtaǵy baǵamy AQSh dollary úshin 424,99 teńge bolyp qalyptasty, osylaısha bir aptada 0,5% (426,94-ten) nyǵaıdy.
«25 maýsym men 3 shilde aralyǵynda syrtqy valıýtalyq naryqta damýshy elderdegi valıýtalardyń qarqyny jan-jaqty boldy. Azııa elderinde karantınniń kúsheıýine baılanysty álem ekonomıkasyna Covid-19 vırýsynyń jańa shtamy áser etedi degen qaýip te arta tústi. Halyqaralyq valıýta qory AQSh-tyń ekonomıkalyq kórsetkishterin baǵalaı otyryp, AQSh-tyń federaldy rezervtik júıesi 2022 jyldyń sońyna qaraı stavka ulǵaıa bastaıdy degen boljam jasady. Maýsym aıyndaǵy AQSh-tyń eńbek naryǵy týraly málimetteri ınvestorlar arasynda aralas reaktsııa týdyrdy, jumys oryndarynyń sany boljamnan asty (+850 myń), alaıda, jumyssyzdyq deńgeıi 5,9% deıin ósti», delingen.
Damýshy elderdiń valıýta baǵamdarynyń qarqyny AQSh dollaryna qatysty tómendegideı qalyptasty:
Túrik lırasy OB sheteldik valıýtadaǵy depozıtter boıynsha normatıvtik rezervti talaptardy 200 b.k deıin qatańdatýyna baılanysty (19%-dan 21%) 0,9% nyǵaıdy ( 8,77-den 8,69-ǵa deıin);
Meksıka pesosy 0,3% nyǵaıdy (19,82-den 19,77-ge deıin). OB ókili habarlaǵandaı, 2021 jyldyń sońyna deıin ınflıatsııa 5%-ǵa deıin baıaýlamasa, retteýshi stavkany odan saıyn kóbeıtý múmkindigin qarastyrady;
Úndistannyń rýpıi elde Covid-19 vırýsynyń taralýyna baılanysty saýda ortalyqtarynyń jumysyna ýaqytsha shekteý qoıylady degen aqparatqa baılanysty 0,7% álsiredi (14 425-ten 14 553-ke deıin);
Ońtústikafrıkalyq rand DN-dyń birqatar elinde (Brazılııa, Meksıka men Reseı) birqatar ósim bolǵanyna qaramastan, retteýshi negizgi stavkany ózgerissiz qaldyrady degen ınvestorlardyń boljamyna oraı qor men qaryz naryǵynan kapıtaldyń ketýine baılanysty 0,7% álsiredi (14,15-ten 14,25-ke deıin);
Reseı rýbli salyq tólemderi tólenip bitken soń jáne EO tarapynan bolyp jatqan sanktsııa qaternine baılanysty 1,5% álsiredi (72,06-dan 73,14-ke deıin);
brazılııalyq real el prezıdentine vaktsına satyp alǵan kezdegi jemqorlyqqa baılanysty tergeýde nemquraılylyq tanytty degen aıyp taǵylǵan soń, 2,6% álsiredi (4,93-ten 5,06-ǵa deıin).
