Ulttyq bank jańa kollektsııalyq monetalardy aınalymǵa shyǵarady
ALMATY. QazAqparat - Qazaqstan Ulttyq banki «Qazaqstannyń florasy men faýnasy» monetalar serııasynan nomınaldary 200 jáne 100 teńgelik melhıor qorytpasynan «TORAŃǴY» kollektsııalyq monetalaryn aınalymǵa shyǵarady, dep habarlaıdy QazAqparat tilshisi.
TORAŃǴY (Torańǵy) – túrli japyraqty terek. Qazaqstannyń Qyzyl kitabyna engen. Ár túrli halyqtardyń qasıet kóretin qurmetti aǵashy bolady. Olardyń árqaısysyna tán óz ańyzy bar. Japondarda ol – sakýra, eýropalyqtarda – emen, úndilerde – Sekvoıa, afrıkalyqtarda – baobab. Ejelgi kóshpelilerde torańǵy – tabynatyn jáne qasıetti sanalatyn aǵash sanaldy.
Monetanyń bet jaǵynda (aversinde) quqyqtyq bóliginde tiri jáne ósimdikterden jasalǵan kollaj aınalymynda Qazaqstan Respýblıkasynyń Memlekettik Eltańbasy beınelengen. Ulttyq banktiń taýar belgisiniń (logotıpi) beınesi jáne nomınaldy monetalardy bildiretin «brilliant uncirculated» daıyndaý sapasymen neızılber qorytpasynan jasalǵan monetadaǵy «rroof-like» jáne «100 TEŃGE» jazý melhıor qorytpasynan jasalǵan. Moneta jıeginde «QAZAQSTAN ULTTYQ BANKI» jáne «NATIONAL BANK OF KAZAKHSTAN» dep aınaldyra jazylǵan jazý bar.
Syrtqy jaǵynda (reversinde) shóldi shaǵyldyń fonynda Torańǵy tereginiń beınesi («rroof-like» sapasymen melhıor qospasynan monetada altyn jalatý tehnologııasyn qoldana otyryp oryndalǵan), joǵarǵy oń jaq bóliginde «TORAŃǴY» jáne «POPULUS DIVERSIFOLIA» (túrdiń latynsha ataýy) degen jazýlar bar.
Melhıor jáne neızılber qorytpalarynan jasalǵan monetalardyń avers pen revers beıneleri birdeı.
Nomınaly 200 teńgelik monetalardyń salmaǵy 15 gramm, dıametri 33 mm, altyn jalatylǵan, «rroof-like» sapasymen melhıor MN 25 qorytpasynan jasalǵan, taralymy 7 000 (jeti myń) dana;
Nomınaly 200 jáne 100 teńgelik kollektsııalyq monetalar olardyń belgilengen quny boıynsha Qazaqstan Respýblıkasynyń búkil aýmaǵynda tólemderdiń barlyq túri boıynsha, sondaı-aq bank shottaryna esepteý úshin jáne aýdarý úshin qabyldanýǵa mindetti. Qazaqstan Respýblıkasynyń barlyq bankinde shekteýsiz usaqtalady jáne aıyrbastalady.
Kollektsııalyq monetalar Qazaqstan teńge saraıynda daıyndaldy.
