Ulttyq bank jańa ekonomıkalyq zertteýdi jarııalady
ALMATY. QazAqparat – Ulttyq bank «Qazaqstan úshin úlken baıestik vektorlyq avtoregressııalyq model qurý» ekonomıkalyq zertteýin jarııalady. Osyǵan baılanysty banktiń aqsha-kredıt saıasaty departamenti dırektorynyń orynbasary Denıs Chernıavskıı túsinikteme berdi, dep habarlaıdy QazAqparat tilshisi.
Onyń aıtýynsha, jumystyń maqsaty – Qazaqstannyń makroekonomıkalyq kórsetkishterin boljaýda baıes vektorlyq avtoregressıondy modelderin (BVAR-modelderin) qoldaný tıimdiligin baǵalaý. Baǵalanatyn BVAR- modeliniń ońtaıly parametrlerin izdeý test úlgisindegi boljamdardyń dáldigi negizinde júrgizildi. Nátıjesinde qarapaıym balamalarymen salystyrǵanda Qazaqstan úshin osy modelderdi qoldanýdyń oryndylyǵyn empırıkalyq rastaý boldy.
Zertteý jumysynda modelderdi qaıta qurýǵa múmkindik beretin jáne makroekonomıkalyq kórsetkishterdi taldaý jáne boljaý boıynsha odan ári pikirtalasty yntalandyratyn bastapqy kod bar.
«Zertteý júrgizý – aqsha-kredıt saıasaty boıynsha sheshimder qabyldaý kezinde taldaý quraldardy kúsheıtýge arnalǵan ınflıatsııalyq targetteý saıasatynyń ajyramas bóligi. Zertteýlerdiń jarııalanýy aqparattyq asımmetrııany tómendete otyryp, Ulttyq banktiń ashyqtyǵy men aıqyndyǵana da yqpal etedi»,- Ulttyq bank ókili Denıs Chernıavskıı.
