Ulttyq bank zeınetaqy qory qarajatyn úlestirýdiń ashyq tetikterin jasaýǵa daıyn - D.Aqyshev
ASTANA. QazAqparat - Ulttyq bank Úkimetpen birlese otyryp, zeınetaqy qory qarajatyn úlestirýdiń ashyq tetikterin jasaýǵa daıyn. Bul týraly búgin QR Parlamenti májilisiniń keńeıtilgen otyrysynda QR Ulttyq bank tóraǵasy Danııar Aqyshev málim etti.
«Jeke toqtalǵym kelgen mańyzdy máselelerdiń biri - Biryńǵaı jınaqtaýshy zeınetaqy qorynyń aktıvterin ınvestıtsııalaýǵa qatysty. Qazirgi qıyn ekonomıkalyq jaǵdaılardy eskere otyryp, aǵymdaǵy ınvestıtsııalaý qurylymyn ózgertý qajettigi týyndaýda. Degenmen negizgi mindetimiz halyqtyń jınaǵan zeınetaqylaryn qaýipsizdikte saqtaý. Ózge máselelerdiń barlyǵy ekinshi satyda. Sondyqtan zeınetaqy qory qarajatyn paıdalaný jónindegi barlyq usynystar tek olardyń qaýipsizdigi qamtamasyz etilgen jaǵdaıda qaralýy tıis», - dep atap ótti ol.
Onyń sózine qaraǵanda, qordyń qarajattaryn ınvestıtsııalamas buryn, onyń qaýipsizdigi saqtalatyn jańa sheshimderdi jasaqtaý qısyndy.
«Ulttyq bank Úkimetpen birlese otyryp, zeınetaqy qory qarajatyn úlestirýdiń ashyq tetikterin jasaýǵa daıyn», - dedi D.Aqyshev.
