Ulttyq bank zeınetaqy annýıteti boıynsha tólemge kepildik berýdi usyndy

ASTANA. QazAqparat - QR Ulttyq banki zeınetaqylyq jáne saqtandyrý annýıteteri boıynsha tólemge kepildik berýdi usyndy. Búgin Májilistiń Qarjy jáne bıýdjet komıteti men «Nur Otan» partııasynyń Májilistegi fraktsııasy janyndaǵy Ekonomıkalyq saıasat jónindegi keńestiń dóńgelek ústel otyrysynda QR Ulttyq bank tóraǵasynyń orynbasary Janat Qurmanov osylaı málim etti, dep habarlaıdy QazAqparat.

Jıyn barysynda depýtattar «Qazaqstan Respýblıkasynyń keıbir zańnamalyq aktilerine saqtandyrý jáne saqtandyrý qyzmeti máseleleri boıynsha ózgerister men tolyqtyrýlar engizý týraly» zań jobasyn talqylady.

«Halyqaralyq tájirıbeni eskere otyryp, zań jobasy saqtandyrýdyń áleýmettik mańyzdy jekeleı túrleri boıynsha tólemder bolmaǵan jaǵdaıda, saqtandyrý tólemderine kepildik berý qorynyń qosymsha kepildigin qarastyrady. Jınaqtaýshy zeınetaqy turǵysynda bizde ınflıatsııa deńgeıinde saqtalýy boıynsha memlekettiń kepildigi bar. Bankterdegi depozıtter aıasynda kepildik berý júıesi jumys isteıdi, ıaǵnı Qazaqstannyń depozıtterge kepildik berý qorynyń qyzmeti qamtylǵan.

Alaıda zeınetaqy annýıtetterine jáne jumysshylardy qaıǵyly jaǵdaılardan mindetti saqtandyrý boıynsha annýıtetterge qatysty kepildik joq. Árıne, tolyq kepildikti qamtamasyz etý múmkin emes. ıAǵnı saqtandyrý kompanııasyna bizdiń qoıatyn talapty almastyra salýǵa bolmaıdy. Alaıda saqtandyrý portfelin bir saqtandyrý kompanııasynan ekinshisine berý kezinde adamnyń qorǵalmaý jaǵdaıy týyndaıdy. Negizi, osyndaı birli-jarym oqıǵalar bolady, degenmen de olar áleýmettik turǵyda mańyzdy. Osy oraıda Saqtandyrý tólemderine kepildik berý qory kepilger retinde bolyp, mundaı sırek kezdesetin jaǵdaılardy sheshýdi qamtamasyz ete alady. Bul óz kezeginde annýıtet sharttary boıynsha adamǵa úzdiksiz tólemderdiń qamtamasyz etilýi eskeriledi», - dedi Janat Qurmanov.

Ulttyq bank tóraǵasynyń orynbasary zań jobasy saqtandyrý naryǵynyń básekege qabiletti, turaqty ári qarqyndy damýyn qamtamasyz etýge baǵyttalǵanyn atap ótti.