Ulttyq bank zeınetaqy aktıvterin qaıda ınvestıtsııalady
ALMATY. QazAqparat – Qazaqstannyń Ulttyq banki BJZQ zeınetaqy aktıvteri boıynsha 2019 jylǵy qarashaǵa arnalǵan ınvestıtsııalyq qyzmetke qysqasha sholýdy usyndy, dep habarlaıdy QazAqparat tilshisi Banktiń baspasóz qyzmetine silteme jasap.
2019 jylǵy 1 jeltoqsandaǵy jaǵdaı boıynsha BJZQ zeınetaqy aktıvteri portfeliniń kólemi 10 679,2 mlrd teńgeni qurady. Aqsha qarajaty jáne teńgege aınaldyrylǵan qarjy quraldary 7 069,4 mlrd teńgeni nemese 66,2%-dy, shetel valıýtasyna nomınırlengen qarjy quraldary 3 609,7 mlrd teńgeni nemese 33,8%-dy qurady.
2019 jylǵy qarashada teńgege aınaldyrylǵan zeınetaqy aktıvterin ınvestıtsııalaý kólemi 31,7 mlrd teńge boldy. Onyń ishinde: QR Qarjy mınıstrliginiń jyldyq 9,4% ortasha alynǵan kiristiligi bar jalpy somasy 27,8 mlrd teńgege memlekettik baǵala qaǵazdary (MBQ) satyp alyndy; QR EDB jáne «Agrarlyq kredıttik korporatsııa» AQ arqyly 600 mlrd teńge somaǵa basym jobalardy kredıtteý tetigi sheńberinde «Agrarlyq kredıttik korporatsııa» AQ jyldyq 10,75% kiristiligi bar
2019 jyldyń qarasha aıynda shetel valıýtasymen kórsetilgen zeınetaqy aktıvterin ınvestıtsııalaý kólemi 398,8 mlrd teńge boldy. Esepti kezeńde jyldyq 1,56% ortasha alynǵan kiristilikpen 381,9 mlrd teńge kólemde AQSh-tyń qysqamerzimdi MBQ satyp alyndy. Qarastyrylyp otyrǵan kezeńde myna elderdiń MBQ-men satyp alý-satý mámileleri jasaldy: Reseı Federatsııasy, Fılıppın, Perý, Indonezııa jáne Meksıka. Netto-satý kólemi 91,1 mlrd teńgeni qurady.
Qarastyrylyp otyrǵan kezeńde shetel valıýtasyndaǵy erkin aqsha qarajaty «A-»-ten tómen emes reıtıngtik baǵasy bar shetel bankteriniń qysqa merzimdi depozıtterine ornalastyryldy. Bul rette osy ınvestıtsııalar ınvestıtsııalaýdyń strategııalyq maqsaty bolyp tabylmaıdy jáne zeınetaqy aktıvteriniń kiristiligin qoldaý úshin aǵymdaǵy ótimdilikti basqarý sheńberinde júzege asyrylady.
