Ulttyq bank valıýta naryǵyndaǵy balansty ınterventsııa arqyly retteıdi – Erbolat Dosaev

NUR-SULTAN. QazAqparat – Teńgege alypsatarlyq qysym kórsetýge jol bermeý úshin valıýtalyq ınterventsııa jasalýy múmkin. Bul týraly QR Ulttyq bankiniń tóraǵasy Erbolat Dosaev Úkimet otyrysynda aıtty, dep habarlady QazAqparat tilshisi.

«Memleket basshysy keshe valıýta naryǵyndaǵy turaqtylyqty qamtamasyz etpeı ornyqty ekonomıkalyq ósýdiń múmkin emestigin atap ótti.

Búgin Qazaqstan qor bırjasynyń valıýta alańyndaǵy saýda-sattyq jáne halyqaralyq tólemder men aýdarymdardy júrgizý qalpyna keltirilýde», - degen Ulttyq bank basshysy ınflıatsııanyń teńgege degen qysymyn báseńdetý úshin qandaı shara qabyldanyp jatqanyn aıtty.

«Teńgege alypsatarlyq qysym kórsetýge jol bermeý maqsatynda Ulttyq bank qajetine qaraı valıýtalyq ınterventsııalar júrgizý arqyly valıýta naryǵyndaǵy ballansty qamtamasyz etedi.

Joǵaryda kórsetilgen sharalar toptamasyn tabysty iske asyrý naryqtyń ishki jáne syrtqy qatysýshylarynyń tarapynan ulttyq valıýtaǵa degen senimdi qalpyna keltirýdi qamtamasyz etýi tıis», -dedi Erbolat Dosaev.