Ulttyq bank valıýta naryǵyndaǵy ahýalǵa pikir bildirdi
ASTANA. QazAqparat - Qazaqstannyń valıýta naryǵyndaǵy ahýal turaqty. Bul týraly búgin Almatyda qarjy sarapshylarymen kezekti kezdesý barysynda QR Ulttyq banki Monetarlyq operatsııalar departamentiniń dırektory Álııa Moldabekova aıtty, dep habarlaıdy QazAqparat.
«Baǵam belgileýdiń irgeli draıverleri - munaı baǵasy men Reseı rýbliniń baǵamy jetkilikti túrde qolaıly qalyptasýda. Mysaly, Brent markaly munaı barreliniń baǵasy shamamen 65 AQSh dollaryn quraıdy. Rýbldiń AQSh dollaryna qatysty aıyrbastaý baǵamy mólsherlemeniń artýyn kútýge qatysty Federaldy rezervtik júıe rıtorıkasynyń jeńildeýi aıasynda qalypqa kelgenin kórsetti. Bazalyq mólsherleme boıynsha ótken jolǵy sheshimnen keıin teńge baǵamy 373,56 - 382,74 dıapazon aralyǵynda aýytqydy», - dedi Álııa Moldabekova.
Departament basshysy aqsha naryǵyndaǵy ahýal ótimdiliktiń qurylymdyq profıtsıtimen sıpattalǵanyn atap ótti.
«Aqsha-kredıt saıasaty operatsııalary boıynsha ashyq pozıtsııa shamamen 4 trln teńgeni qurap, ulǵaıdy. 2019 jylǵy 18 aqpanda ashyq naryǵy operatsııalarynyń quraly retinde depozıttik aýktsıon engizildi. Bir mezgilde 7 kúndik aınalys merzimimen qysqa merzimdi nottar shyǵarylymy toqtatyldy», - dedi ol.
