Ulttyq bank usaq aqshany kóptep shyǵarýǵa múddeli - Q.Kelimbetov
ASTANA. 23 jeltoqsan. QazAqparat - Bizge 500-1000 teńgelik kýpıýralar jetispeıdi. Bul týraly QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda QR Ulttyq bank tóraǵasy Qaırat Kelimbetov málim etti.
Ulttyq bank tóraǵasynyń sózine qaraǵanda, 20 myń teńgelik valıýtany aınalymǵa shyǵarý áli erte. Sebebi dál qazir ol san alýan devalvatsııalyq ózgeristerge ákelip soqtyrýy ábden múmkin. «Búginde bizge 200, 500 jáne 1000 teńgelik kýpıýralar jetispeıdi. 5000 jáne 10000 teńgeni aınalymnan shyǵarý jumysyn toqtatpaǵanda, ol da tapshy bolatyn edi. Sondyqtan qazir biz 200, 500 jáne 1000 teńgelik kýpıýralardy qosymsha shyǵarý boıynsha jumys jasap jatyrmyz», - dep atap kórsetti Q.Kelimbetov.
