Ulttyq Bank Úkimetpen birlesip BJZQ-nyń zeınetaqy aktıvterin ınvestıtsııalaý jóninde usynystar daıyndaýda

"2015 jylǵy 9 qarashada Qazaqstan Respýblıkasynyń Ulttyq Banki zeınetaqy aktıvterin Qazaqstan Respýblıkasynyń memlekettik baǵaly qaǵazdaryna ǵana ınvestıtsııalaý týraly sheshim qabyldady. Bul sheshimge 2015 jylǵy 11 jeltoqsanda Ekonomıkalyq saıasat jónindegi keńes te qoldaý kórsetti.

Bul ınvestıtsııalyq strategııa ýaqytsha bolyp tabylady jáne «Qazaqstan Respýblıkasynyń keıbir zańnamalyq aktilerine zeınetaqymen qamsyzdandyrý máseleleri boıynsha ózgerister men tolyqtyrýlar engizý týraly» 2015 jylǵy 2 tamyzdaǵy №342-V Qazaqstan Respýblıkasynyń Zańyna sáıkes 2016 jylǵy 1 qańtardan bastap BJZQ-nyń zeınetaqy aktıvterin ınvestıtsııalaý baǵyttaryn aıqyndaý fýnktsııasy beriletin Qazaqstan Respýblıkasynyń Ulttyq qoryn basqarý jónindegi keńes sheshimder qabyldaǵanǵa deıin qoldanysta bolady", delingen Ulttyń banktiń habarlamasynda.

Memleket basshysynyń 2015 jylǵy 30 qarashadaǵy Qazaqstan halqyna Joldaýy sheńberinde bergen tapsyrmalaryna sáıkes Ulttyq Bank Úkimetpen birlesip BJZQ-nyń zeınetaqy aktıvterin basqarýdyń jáne ınvestıtsııalaýdyń jańa tásilderin ázirleý jóninde usynystar daıyndaýda.