Ulttyq bank Úkimetpen birge ekonomıkany dedollarlandyrý baǵdarlamasyn jasamaq
ASTANA. QazAqparat - Qazaqstannyń Ulttyq banki Úkimetpen birge ekonomıkany dedollarlandyrý baǵdarlamasyn ázirleýdi josparlap otyr, dep habarlady búgin QR UB tóraǵasy Qaırat Kelimbetov OKQ brıfınginde, dep habarlaıdy primeminister.kz.
«Biz Úkimetpen birge ekonomıkany dedollarlandyrý baǵdarlamasyn jasamaqshymyz», - dedi Q. Kelimbetov.
Respýblıkamyzdyń Ulttyq banki tóraǵasynyń pikirinshe, qazaqstandyqtar «joǵary dollarlanǵan túsinikke» ıe. Sóziniń dáleli retinde, ol statıstıka málimetin keltirdi, elimizdegi halyqtyń 45% paıyzy óz jınaqtaryn sheteldik valıýtada ustaıdy.
«Reseıdiń ózin alsaq, eger páterińiz qansha turady dep surasańyz, olar rýblmen jaýap qaıtarady. Biz jalaqyny teńgemen alsaq ta, salyqty teńgemen tólesek te, teńgemen shyǵyn jasasaq ta, kalkýlıator jumys jasaıdy, biraq biz ony dollarǵa aýdaramyz», - dep atap ótti ol.
Q.Kelimbetovtiń aıtýynsha, ekonomıkany dollarlandyrý otandyq óndiristi damytyp, jeke ónim kólemderi óskende ǵana azaıatyn bolady.
Sonymen qatar, Ulttyq bank basshysy halyqty ulttyq valıýtadaǵy bank jınaqtaryn konversııalamaýǵa shaqyrdy, óıtkeni onyń pikirinshe, «teńgedegi depozıtter dollardaǵyǵa qaraǵanda áldeqaıda tıimdi».
