Ulttyq bank turǵyn úı qurylysyn qarjylandyrýdy jalǵastyrýda

NUR-SULTAN. QazAqparat - «7-20-25» baǵdarlamasy boıynsha 25 186 ótinim maquldandy. Bul týraly búgin Úkimet otyrysynda 10 aıdaǵy elimizdiń áleýmettik-ekonomıkalyq damýy jaıynda baıandaǵan QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.

«Ulttyq banktiń qarjylandyrýy esebinen turǵyn úı qurylysyn qoldaý jalǵasýda. «7-20-25» baǵdarlamasy boıynsha bıyl 5 qarashada 295,3 mlrd teńgege 25 186 ótinim maquldandy, onyń ishinde 232,1 mlrd teńge somasyna 19 891 qaryz berildi«, - dedi UB tóraǵasy.

Sonymen qatar ol «Baspana Hıt« baǵdarlamasy boıynsha da qomaqty qarajat ıgerilgendigin basa aıtty.

«Baspana Hıt» naryqtyq ıpotekalyq baǵdarlama boıynsha osy jylǵy 5 qarashada 404,5 mlrd teńge somasyna 45 866 ótinim maquldandy. 320,6 mlrd teńgege 37 176 qaryz berildi«, - dedi Erbolat Dosaev.