Ulttyq bank tóraǵasy teńge baǵamyna baılanysty túsinik berdi
«Teńgeniń erkin baǵamy týraly jarııalaǵan ınstıtýt retinde biz osy naryqta aıyrbas baǵamyn boljaı almaımyz. Degenmen de syrtqy faktorlar aıtarlyqtaı turaqtanǵandyǵyn únemi aıtyp kelemiz. Qazirgi kezde baıqalyp otyrǵan munaı baǵasy aýytqýlarynan teńge baǵamyna túzetýler oryn alýda. Bizdiń oıymyzsha, búginde oryn alyp otyrǵan nomınaldy aıyrbas baǵamynyń ózgeristeri bolmashy deńgeıde ǵana. Bul turǵyda teńge baǵamynyń álsireýi de, naǵaıýy da baıqalýda. Osy oraıda bul úderiske halyq ta, kásiporyndar da úırenýi kerek dep oılaımyn»,-dedi Aqyshev Astana ekonomıkalyq forým aıasynda ótken baspasóz máslıhatynda.
Sonymen qatar ol Ulttyq bankte reseılik rýblge shaqqanda teńgeniń qandaı da bir baǵamyn ustaný maqsaty joq ekenin atap ótti.
Osy oraıda UB basshysy memleketter arasyndaǵy ınflıatsııa deńgeıin eskere otyryp naqty baǵamǵa qaraý kerektigine toqtala kele: «Qazirgi kezde bizdiń taýar óndirýshilerdiń básekege qabilettigin qamtamasyz etetindeı teńgede qajeti qory bar jáne biz tólem teńgeriminiń ahýalyna kóbirek qaraımyz, ıaǵnı bizdiń elder arasyndaǵy ımport-eksport araqatynasyna mán berýdemiz», -dep túıindedi ol.