Ulttyq bank tóraǵasy teńge baǵamy týraly aıtyp berdi
«Teńgeniń aıyrbastaý baǵamy fýndametaldy faktorlardyń qarqynyna sáıkes. Bul básekege qabilettiliktiń saqtalaýyn qamtamasyz etedi. Naryqta teńgerimsizdik baıqalmaıdy. Jyl basymen salystyrǵanda teńge baǵamy ózgermedi dep aıtýǵa bolady. Nomınaldyq kórsetkish boıynsha nyǵaıý - 0,2 paıyz. Jyl basynda bir dollar úshin 333,29 teńge bolsa, qazir 332,72 teńgeni qurady», - dep naqtylady ol «2018-2020 jyldarǵa arnalǵan respýblıkalyq bıýdjet týraly» zań jobasyn talqylaý barysynda.
Danııar Aqyshev zań jobasynda belgilengen ólshemderdi tolyǵymen qoldaıtynyn atap ótti. UB respýblıkalyq bıýdjettiń tapshylyǵyn qarjylandyrý úshin emıssııa jasaýdy josparlap otyrǵan joq.
«Ulttyq bank óz quzyreti sheginde ınflıatsııalyq targetteý saıasatyn jalǵastyrady jáne oǵan sáıkes erkin ózgermeli baǵam rejımin ustanady», - dep túsindirdi ol.
Atap aıtqanda, UB-nyń negizgi basymdy baǵyty baǵa turaqtylyǵyn qamtamasyz etý, sondaı-aq jyldyq ınflıatsııany 2018 jyly 5-7 paıyz, 2019 jyly 4-6 paıyzdyq dálizde ustap turýǵa negizdelgen.
Budan bólek D. Aqyshev dollarsyzdaný úderisne toqtaldy.
«Depozıt naryǵynda dollarsyzdandyrý protsesteri jalǵasýda. Shetel valıýtasyndaǵy depozıtterdiń úlesi jyl basynan 55 paıyzdan 49 paıyzǵa deıin tómendedi. Valıýta naryǵyndaǵy turaqtylyqtyń saqtalýy jáne ınflıatsııa deńgeıiniń tómendeýi aqshany teńgede jınaqtady odan ári qaraı yntalandyrady dep oılaımyz», - dep atap ótti Ulttyq bank tóraǵasy.
