Ulttyq bank tóraǵasy ınflıatsııanyń ósý sebebin aıtty
«Inflıatsııa boljamdyq traektorııamen qalyptasýda. Tutyný baǵalarynyń aılyq ósýi baıaýlap, byltyr jeltoqsan aıynda 1,2 paıyzdy qurady. Eske sala keteıin, aılyq ınflıatsııa qyrkúıekte – 1,8, qazanda – 1,6, qarashada 1,4 paıyzdy quraǵan. Biraq aılyq ınflıatsııanyń tómendeýine qaramastan, ol ortasha jyldyq mánderden asyp, joǵary kúıinde qaldy»,- dedi Ulttyq bank tóraǵasy BAQ ókilderine arnalǵan brıfıngte.
Ǵalymjan Pirmatovtiń aıtýynsha, 2022 jyldyń jeltoqsan aıyndaǵy jyldyq ınflıatsııa 20,3 paıyzdy qurady. Azyq-túlik taýarlary men azyq-túlikke jatpaıtyn taýarlar baǵasy eń joǵary ósimdi kórsetti. Aqyly qyzmetterdiń ınflıatsııasy ózgerissiz qaldy. Oǵan turǵyn úıdi jaldaý qunynyń tómendeýi jáne retteletin baǵalardyń baıaý ósýi áser etti.
«Inflıatsııanyń ornyqty bóliginiń joǵary bolyp qalýy da alańdaýshylyq týdyryp otyr. Bul proınflıatsııalyq ortanyń saqtalýyn kórsetedi. 2022 jyldyń sońyndaǵy maýsymdyq faktordy eskermegendegi bazalyq ınflıatsııanyń jyldyq kórsetkishi 22,2 paıyzdy qurady. Inflıatsııalyq kútýlerdiń qarqyny basym. Olardyń máni jeltoqsan aıynda saýalnama júrgizilgen sátten bastalǵan ýaqyt ishindegi maksımýmdy jańartty. Inflıatsııany medıanalyq baǵalaý 21,3 paıyzdy qurady. Saýalnama derekteri boıynsha, azyq-túlik baǵasynyń ósýi, syrtqy jaǵdaı men otyn baǵasy ınflıatsııanyń ósýine sebep boldy. Joǵary ınflıatsııalyq kútýler ınflıatsııanyń bolashaqta baıaýlap, tómendeýine sebep bolýy múmkin», - dedi ol.