Ulttyq bank tóraǵasy: Biz 2014 jyly Úkimetpen «Halyqtyq IPO» baǵdarlamasyn belsendi túrde júzege asyrýǵa kirisemiz
ASTANA. 19 jeltoqsan. QazAqparat - 2014 jyly Úkimet pen Ulttyq bank «Halyqtyq IPO» baǵdarlamasyn belsendi túrde júzege asyrýǵa kirispek.
Bul týraly Ulttyq bank tóraǵasy Qaırat Kelimbetov málim etti, dep habarlaıdy Halyqtyq IPO baǵdarlamasynyń resmı saıty.
Onyń aıtýynsha, 2013 strategııalyq ınfraqurylymdyq nysandardy jekeshelendirýmen baılanysty zańdyq aspektilerdi sheshý jyly boldy.
«Meniń oıymsha, kelesi jyldan bastap problema ózgeredi. Jeke jınaqtaýshy zeınetaqy qorlary bolmaıdy, biz olardy «Biryńǵaı jınaqtaýshy zeınetaqy qory» AQ-men almastyramyz. Birqatar strategııalyq aktıvterdi memleket baqylaýynan shyǵaryp alý qaýpi tómendeıdi», - dedi QR Ulttyq bankiniń tóraǵasy Q. Kelimbetov.
«Sondyqtan da, biz kelesi jyldan bastap Úkimetpen birge osy baǵdarlamany [Halyqtyq IPO] belseni túrde júzege asyrýǵa kirisemiz. Kezekte KEGOC tur», - dedi Q. Kelimbetov halyk-ipo.kz portalynyń saýalyna bergen jaýabynda.
