Ulttyq bank tóraǵasy 2017 jylǵy ınflıatsııaǵa boljam jasady

ASTANA. QazAqparat - Búgin Úkimet otyrysynda Ulttyq bank tóraǵasy Danııar Aqyshev kelesi jylǵy ınflıatsııaǵa boljam jasady, dep habarlaıdy QazAqparat.

«Aldaǵy 2 aıda ınflıatsııa belgilengen 6-8%   dálizge jetip, 2017 jyl boıy dáliz ishinde bolady», - dedi D.Aqyshev.

Ulttyq bank tóraǵasy atap ótkendeı, Qazaqstannyń ekonomıkasy aıyrbastaý baǵamynyń jańa talaptaryna beıimdelgen.

«Jyldyq ınflıatsııa bir tańbaly mánge deıin tómendedi. Soǵan sáıkes 2016 jylǵy qarashanyń qorytyndysy boıynsha ınflıatsııa 1,2%, al jyl basynan -  7,5% deńgeıinde qalyptasty»,-dedi D.Aqyshev.

Aıta keteıik, Úkimettiń búgingi otyrysynla  Qazaqstan Respýblıkasynyń 2016 jylǵy 11 aıdaǵy áleýmettik-ekonomıkalyq damýy jáne bıýdjettiń atqarylý qorytyndysy baıandaldy.