Ulttyq bank tólem júıeleri reestrin jańartty
Qazaqstanda 19 tólem júıesi tirkelgen. Onyń ishinde bankaralyq aqsha aýdarý júıesi júıeli túrde mańyzdy sanalady, onyń jumysyn QUB-tyń qazaqstandyq bankaralyq esep aıyrysý ortalyǵy qamtamasyz etedi. Bankaralyq aqsha aýdarý júıesi arqyly valıýta naryǵyna, baǵaly qaǵazdar naryǵyna qatysýshylardyń, bank sektorynyń jáne memlekettik bıýdjet tólemderiniń 91%-dan astamy tólenedi.
Bankaralyq klırıng júıesi 2021 jyldyń qorytyndysy boıynsha QUB reestrindegi mańyzdy tólem júıelerine jatqyzylǵan. Bul júıe júıelik mańyzy bar tólem júıesi men tólem kartochkalaryn qospaǵanda, bólshek tólemderdiń 50%-dan astamyna qyzmet kórsetedi.
Sondaı-aq mańyzdy tólem júıelerine Visa men Mastercard halyqaralyq tólem júıesi kiredi.
Banktik shot ashpaı jeke tulǵalardyń aýdarymdary júzege asyrylatyn halyqaralyq aqsha aýdarymdary júıeleriniń arasynda «Zolotaıa korona» júıesi mańyzdy tólem júıesine jatady. 2021 jyly Qazaqstanda jumys isteıtin aqsha aýdarymdary júıeleriniń reestrine «Ria Money Transfer» tólem júıesi engizildi.
Qalǵan 14 tólem júıesi ózge tólem júıelerine jatqyzylǵan.
2021 jyldyń qorytyndysy boıynsha, mańyzdy tólem qyzmetterin jetkizýshilerdiń reestri de jańartyldy. Ózderiniń mańyzdy tólem qyzmetterin jetkizýshiler mártebesin eki jetkizýshi saqtap qaldy: tólem kartochkalary naryǵynda jáne korrespondenttik shottar arqyly tólemder men aýdarymdar naryǵynda. Bir jetkizýshi elektrondyq aqsha segmentinde mańyzdy boldy.
