Ulttyq bank tólem balansynda qalyptasqan problemalardy atady

ALMATY. QazAqparat – Ulttyq banktiń tólem balansy departamentiniń dırektory Azat Óskenbaevtyń tólem balansynyń aǵymdaǵy shoty týraly aıtyp berdi, dep habarlaıdy QazAqparat tilshisi.

Ulttyq bank 2020 jyldyń qorytyndysy boıynsha Qazaqstan Respýblıkasynyń tólem balansyn aldyn ala baǵalaýdy qalyptastyrdy. Tólem balansyndaǵy negizgi aǵyndardyń serpini jyldyń birinshi jartysynda munaıdyń álemdik baǵasynyń tómendeýimen, keıingi OPEK+ mámilesimen, COVID-19 pandemııasymen jáne Úkimettiń ekonomıkany qoldaý jónindegi jaýap sharalarymen aıqyndaldy.

«Aldyn ala baǵalaý boıynsha aǵymdaǵy shot 5,9 mlrd AQSh dollary defıtsıtimen qalyptasty, bul Ulttyq banktiń 2020 jylǵa arnalǵan boljamdy kútýlerine sáıkes keledi. Aǵymdaǵy shot defıtsıtiniń negizgi sebebi munaı eksportynyń qysqarýy esebinen taýarlar eksportynyń tómendeýi bolyp tabylady. 2019 jylmen salystyrǵanda eksport 46,9 mlrd AQSh dollaryna deıin 11,3 mlrd AQSh dollaryna (–19,4%) qysqardy. Sol kezeńde ımport 36,2 mlrd AQSh dollaryna deıin 3,9 mlrd AQSh dollaryna (–9,7%) tómendedi, bul ınvestıtsııalyq jáne aralyq taýarlardy ákelýdiń qysqarýyna baılanysty», - deıdi Azat Óskenbaev.

Aǵymdaǵy shottyń jaı-kúıi bir jaǵynan saýda balansy men ekinshi jaǵynan sheteldik ınvestorlarǵa tólenetin kiris arasyndaǵy tepe-teńdikke baılanysty.

2020 jyly ınvestıtsııalyq kiristiń teris balansy aıtarlyqtaı tómendedi, bul aǵymdaǵy shot defıtsıtiniń áleýetti tereńdigin aıtarlyqtaı tejedi. Tikeleı ınvestorlardyń úlesine keletin dıvıdendter men qaıta ınvestıtsııalanǵan paıda 10,4 mlrd AQSh dollaryn qurady, bul ótken jyldyń uqsas kóleminen 35%-ǵa az (16,0 mlrd AQSh dollary).

Taǵy bir mańyzdy faktor – Qazaqstan Respýblıkasy men Konsortsıým arasyndaǵy daýdy retteý sheńberinde Qarashyǵanaq Konsortsıýmynyń qatysýshylarynan túsken 1,3 mlrd AQSh dollary somasyndaǵy valıýtanyń elimizge ákelinýi. Bul ótemaqy tóleminiń túsýi qaıtalama kiristiń (transfertterdiń) oń saldosyn 2,1 mlrd AQSh dollaryna deıin eki esege ulǵaıtty.

Kiristegi osy oń úrdister 2020 jylǵy 3-shi toqsandaǵy saýda balansynyń teris saldosyna qarsy salmaq kórsetti. Qorytyndysynda, 2020 jyly aǵymdaǵy shot saldosynyń 2019 jylmen salystyrǵanda 1,3 mlrd AQSh dollaryna jaqsarýy baıqalady.