Ulttyq bank teńgeniń resmı baǵamyn qalyptastyratyn tásildi ózgertti
«Valıýta naryǵynda teńge baǵamy jyl basynan beri 10 qyrkúıek aralyǵynda 13,8 paıyzǵa álsirep, 1 AQSh dollary úshin 378,11 teńge boldy. Reseı rýbliniń quldyraýynan jyl basynan beri 22 paıyzǵa jýyq basqa damýshy elder valıýtalarynyń AQSh dollaryna eleýli álsireý faktory teńge baǵamyna áser etýde»,- dedi Danııar Aqshyev.
Onyń aıtýynsha, jyl basnyan bastap 7 qyrkúıektegi jaǵdaı boıynsha Argentına pesosy 2 ese, Túrik lırasy 69 paıyzǵa, Brazılııa realy 23 paıyzǵa, Ońtústik Afrıka randy 23 paıyzǵa, Úndi rýpıi 12 paıyzǵa, Qytaı ıýani 5 paıyzǵa álsiregenin atap ótti.
«Valıýtaǵa suranys oǵan usynystan aıtarlyqtaı asqanda Ulttyq bank baǵam aýytqýyn retteıdi. Tutastaı alǵanda, irgeli úrdiske kedergi keltirmeıdi. Aǵymdaǵy kezde bul baǵamnyń qubylýyna ákeledi. Al uzaq merzimdi aralyqta makroekonomıkalyq turaqtylyqty jáne tólem balansynyń ornyqtylyǵyn qamtamasyz etedi. Aǵymdaǵy jaǵdaı qarjylyq turaqtylyqqa jáne bankterdegi ahýalǵa qaýipti emes. 2018 jylǵy 10 qyrkúıekte Ulttyq bank teńgeniń resmı baǵamyn qalyptastyra bastady», - dedi D.Aqyshev.
Ulttyq bank basshysynyń sózine qaraǵanda, Qazaqstan qor bırjasyndaǵy valzıýtalyq operatsııalardy T+1 júıesine aýdardy.
«Bul tásil halyqaralyq praktıkaǵa sáıkes keledi. Qazaqstan naryǵyndaǵy sheteldik ınvestorlar úshin tartymdy bolýyna yqpal etedi. Jańa esep aıyrysýǵa ótý tabysty jáne halyqqa nemese kompanııalarǵa yńǵaıly boldy», - dedi ol.