Ulttyq bank teńgeniń burynǵy portrettik serııasyn shyǵarýǵa qarsy emes
ASTANA. QazAqparat - Búgin Astanada ótken «Teńge - táýelsiz Qazaqstannyń valıýtasy» taqyrybyndaǵy konferentsııa aıasynda jýrnalısterge suhbat bergen QR Ulttyq banki tóraǵasynyń orynbasary Dına Ǵalıeva, qazaq halqynyń uly tulǵalary beınelengen teńgeniń alǵashqy serııasyn qaıta shyǵarýǵa qatysty óz pikirin bildirdi, dep habarlaıdy QazAqparat tilshisi.
«Banknottardyń alǵashqy serııasynda portretter boldy. Artynan ol serııa jalǵasty. Biraq teńgelerdiń basym bóliginde Ál-Farabıdiń portreti basyldy. Odan keıin Báıterek, sosyn qazirgi aınalymda júrgen«Qazaq eli» degen serııa shyqty. Biz ony «Samuryq» serııasy dep ataımyz», - deıdi D.Ǵalıeva.
Osy oraıda jýrnalıster «Burynǵy portrettik serııa qaıta shyǵarylýy múmkin be?» degen suraq qoıdy.
«Shyny kerek, portrettik serııany adamdar jaqsy qabyldaıdy. Nege? Sebebi ondaı banknottar halyqqa jaqyn, ondaı aqshaǵa degen azamattardyń senimi myqty bolady. Bul - meniń jeke pikirim. Al portrettik serııany shyǵarý, ıa bolmasa, shyǵarmaý máselesi dızaınerlerge baılanysty. Biz olardyń usynǵan úlgilerine qaraımyz», - dep atap kórsetti D.Ǵalıeva.
