Ulttyq bank teńgeniń álsireýi sebebin túsindirdi
«Bıylǵy naýryzda teńgeniń aıyrbastaý baǵamy kelesi sebeptermen bir AQSh dollary úshin 424,97 teńgege deıin 1,9 paıyzǵa álsiredi. Birinshiden, osy jylǵy naýryzda munaı baǵasy bir barrel úshin 63,54 AQSh dollaryna deıin 3,9 paıyzǵa tómendedi. Vaktsınatsııa qarqynynyń tómendeýine, jańa agressıvti COVID-19 shtamdarynyń paıda bolýyna jáne barynsha qatań oqshaýlaý sharalaryna oralýǵa baılanysty táýekelder energııa tasymaldaýshylarǵa suranysty qalpyna keltirý boıynsha ınvestorlardyń josparlaryna áser etti. Bıylǵy naýryzdyń qorytyndysy boıynsha AQSh-taǵy munaı qory da artty», - dedi UB basshysy Úkimet otyrysynda bıylǵy qańtar-naýryzda eldiń áleýmettik-ekonomıkalyq damý qarqynyn talqylaý kezinde.
Ekinshiden, AQSh qazynashylyq oblıgatsııalary kiristiliginiń ósýi aıasynda dollar damýshy naryqtardyń valıýtalaryna qatysty nyǵaıýda.
«Nátıjesinde, túrik lırasy 11,1 paıyzǵa, Indonezııa rýpııasy – 2 paıyzǵa, Reseı rýbli 1,6 paıyzǵa álsiredi. Bul rette, sanktsııalar táýekelderiniń kúsheıýi jalpy úrdisterden basqa Reseı rýbliniń teris dınamıkasyna yqpal etti. Bul jaǵdaıda respýblıkalyq bıýdjetke transfertter bólý aıasynda Ulttyq qor aktıvterin konvertatsııalaý men kvazımemlekettik sektor kompanııalarynyń eksporttyq valıýta túsiminiń bir bóligin satýy teńgege qoldaý kórsetti», - dedi Dosaev.
Naýryzda Qazaqstannyń memlekettik baǵaly qaǵazdaryna shetel ınvestıtsııalarynyń aǵyny aıtarlyqtaı baıaýlady jáne
bıylǵy jylǵy aqpandaǵy 178 mlrd teńgemen jáne qańtardaǵy 174 mlrd teńgemen salystyrǵanda 18 mlrd teńgeni qurady.
«Bıylǵy jylǵy sáýirde táýekel aktıvterine sentıment táýekeliniń jalpy nasharlaýy aıasynda damýshy naryqtardyń aktıvterinen beırezıdentterdiń netto-shyǵarylýy baıqalady. 9 sáýirde teńge baǵamy mynadaı sebepter boıynsha jyl basynan beri bir AQSh dollary úshin 2,9 paıyzǵa álsirep, bir AQSh dollary úshin 433,17 teńgeni qurady», - dedi UB basshysy.