Ulttyq bank teńge/rýbl baǵamyna qatysty jaǵdaıdy túsindirdi
«Osyndaı aıtarlyqtaı nyǵaıý RF-da engizilgen kapıtal qozǵalysyn baqylaý sharalary, energııa resýrstaryn qosa alǵanda, negizgi eksporttyq taýarlardyń joǵary baǵalary aıasynda, ımporttyń aıtarlyqtaı qysqarýymen baılanysty boldy.
Buryn engizilgen valıýtalyq shekteýlerdiń aıtarlyqtaı jeńildeýine qaramastan, Reseı rýbli munaı men gazdyń joǵary baǵasy men ımporttyń tómen kólemi aıasynda nyǵaıa berdi. Bul tıisinshe teńge/rýbl baǵamynyń rýbl úshin eń tómengi tarıhı kórsetkish – 9-9,1 teńgege deıin álsireýine ákeldi»,-delingen Ulttyq banktiń habarlamasynda.
Sondaı-aq atalmysh habarda Reseı Federatsııasynda rýbl baǵamyn qalypqa keltirý sharalaryna qatysty ashyq pikirtalas júrip jatqany aıtylǵan. Bul rette tikeleı sharalardy qabyldaýdy RF-ǵa qarsy engizilgen sanktsııalar qıyndatyp tur.
Óz kezeginde, teńgeniń Reseı rýbline qatysty aıyrbas baǵamy tikeleı qalyptaspaıdy, ol teńge men rýbldiń dollarǵa qatysty baǵamyna qaraı jekeleı qalyptasady.
Teńge/rýbl naryǵy derbes qalyptastyrý úshin jetkilikti túrde tereń jáne ótimdi emes, bul RF men QR arasyndaǵy saýda teńgerimsizdigine, sondaı-aq qazaqstandyq eksporttaýshylardyń óz ónimderin Reseı Federatsııasyna teńgege satpaýyna baılanysty. Reseılik eksporttaýshylardan aıyrmashylyǵy – reseılik rýblge satatyn eksporttaýshylarǵa qaraǵanda, Reseı Federatsııasyndaǵy teńgege degen suranystyń tómendigi osymen baılanysty.
Valıýtalyq saıasat aıasynda Ulttyq bank qubylmaly aıyrbas baǵamy saıasatyn ustanady. Bul – teńgerimsizdikterdiń jınaqtalýyn boldyrmaıdy jáne onymen qatar eldiń altyn-valıýta rezervterin saqtaýǵa múmkindik beredi. Sondyqtan rýblmen nemese kez kelgen basqa valıýtamen parıtetke áser etý maqsatynda ulttyq valıýtanyń aıyrbas baǵamy boıynsha kez kelgen amaldar jasaýǵa jol berilmeıdi.
«Qazaqstan Respýblıkasynyń Ulttyq banki aıdyń sońynda valıýta naryǵynda jasalǵan barlyq operatsııalar, onyń ishinde altyn-valıýta aktıvteri esebinen jasalǵan ınterventsııalar, Ulttyq qordyń nemese BJZQ atynan jasalǵan operatsııalar týraly aqparatty jarııa etedi.
QR UB valıýta naryǵyndaǵy ahýaldy túsindirip, kásibı qatysýshylarmen jáne halyqpen aradaǵy kommýnıkatsııalyq baılanystarǵa tán jumysty jalǵastyra beredi»,-delingen Ulttyq banktiń aqparatynda.
