Ulttyq bank teńge depozıtteriniń tabysyn arttyrýdy kózdeıdi
ASTANA. QazAqparat - Ekinshi deńgeıli bankterdegi depozıtterdiń valıýtalyq qurylymy tepe-teńdikke talpynyp keledi, dep habarlaıdy QR Ulttyq bankiniń baspasóz qyzmeti.
2016 jyldyń qorytyndysy boıynsha, ekinshi deńgeıli bankterdegi dollarmen saqtalǵan depozıtterdiń úlesi 54,6 paıyzdy quraǵan. Depozıtterdiń qurylymyndaǵy zańdy tulǵalardyń úlesi 62 paıyzdan 49 paıyzǵa deıin azaıǵan.
2016 jyly teńgemen saqtalǵan depozıtterdiń sany 66,4 paıyzǵa deıin kóbeıip, 3,3 trln teńgege jetti. Teńgemen saqtalǵan depozıtterdiń ósimine ulttyq valıýtada saqtalǵan aqshanyń ósimi, sondaı-aq, ishki valıýtalyq naryqtaǵy jaǵdaıdyń turaqtylyǵy yqpal etken.
2016 jyly teńge dollarǵa shaqqanda 2,0 paıyzǵa, eýroǵa shaqqanda, 5,1 paıyzǵa nyǵaıǵan. Ulttyq banktiń saıasaty budan bylaı da ulttyq valıýtanyń tartymdylyǵyn arttyrýǵa jáne teńgemen saqtalǵan depozıtterdiń ósimin arttyrýǵa baǵyttalady.
