Ulttyq bank teńge depozıtteriniń kiristiligin arttyrýdy josparlaýda - D. Aqyshev
ASTANA. QazAqparat - Ulttyq bank teńge depozıtteriniń kiristiligin arttyrýdy josparlaýda. Bul týraly KTK telearnasyna suhbat bergen QR Ulttyq bankiniń tóraǵasy Danııar Aqyshev málim etti.
«Dollarsyzdandyrý protsesiniń óziniń aýyrtpalyǵy mol ári el ekonomıkasy úshin teris áserleri bar. Túrli psıhologııalyq faktorlardan bólek birinshi kezekte ekonomıkalyq yqpaly da aıtarlyqtaı. Qalaı desek te, Qazaqstan - bul ózindik ekonomıkalyq saıasat júrgizetin egemen el. Biz teńgege degen senimdi qalpyna keltirýge mindettimiz. Al bul qajetti mehanızmderdi qurý arqyly júzege asyrylýy tıis. Eń birinshi kezekte adamdar teńgemen saqtaý tıimdi bolýy úshin jańa tetikterdiń kiristiligi joǵary bolýy qajet. Ekinshiden, men qazirgi ýaqytta óziniń jınaǵyn saqtaýǵa tyrysyp, sheteldik valıýta satyp alatyn adamdardy túsinemin. Bank júesindegi jeke tulǵalardyń valıýtalyq depozıtteriniń úlesi 80 paıyzdy quraıdy», - dedi Ulttyq bank tóraǵasy.
D.Aqyshevtyń aıtýynsha, Ulttyq bank teńge depozıtteriniń kiristiligin arttyrý týraly máseleni qaraýǵa jáne tıisinshe sheshim qabyldaýǵa daıyn. Ol úshin qarasha aıyndaǵy naqty staıstıkalyq málimetterdi jáne jeltoqsandaǵy aldyn ala málimetterdi kútý qajet. Osydan keıin teńge depozıtteriniń kiristiligi týraly naqty sandy jarııa etýge bolady.
