Ulttyq bank teńge baǵymyna áser etin faktorlar týraly aıtty
«Koronavırýstyń delta shtamynyń taralýy negizgi táýekel faktory bolyp otyr jáne ekonomıkalyq ósý qarqyny boıynsha boljamdardy qaıta baǵalaýǵa ákelýi múmkin. Qazirdiń ózinde biz koronavırýstyń «delta tolqyny» aıasynda qarjy naryqtarynyń túzetilýin baıqap otyrmyz. Birinshi kezekte, bul damýshy naryqtarǵa qatysty. Bıylǵy 27 shildede HVQ álemdik ІJÓ boljamyn qaıta qarap, ony 2021 jyly
6% deńgeıinde saqtap qaldy. Biraq osy qaıta qaraý aıasynda damyǵan elderde ósý 5,6%-ǵa deıin 0,5 p.t. artyp, damýshy elder boıynsha boljam 6,3%-ǵa deıin 0,4 p.t. tómendedi. Burynǵydaı, teńge kómirsýtekter naryǵynyń jáne damýshy elderdiń aktıvterine qatysty jalpy sentımenttiń yqpalynda bolady», - dedi Á. Moldabekova.
Onyń aıtýynsha, munaı naryǵy bıylǵy sáýirden shildege deıingi baǵa belgileýlerdiń 20%-ǵa jýyq ósýinen keıin týrbýlenttilikti bastan keshýde. AQSh-taǵy kommertsııalyq munaı qorynyń 2020 jylǵy qańtardaǵy deńgeıge deıin tómendeýine qaramastan, delta shtamynyń taralýy munaıdyń budan bylaıǵy ósýine kedergi keltirýde.
«Basqa valıýtalarǵa qatysty teńge boıynsha mólsherlemelerdiń oń dıfferentsıaly ishki valıýta naryǵy úshin teńgerimdeýshi faktor bolyp sanalady. Ulttyq banktiń jýyrdaǵy bazalyq mólsherlemeni arttyrý týraly sheshimi halyqaralyq ınvestorlar úshin teńgedegi aktıvterdiń tartymdylyǵyn qoldaıdy, olardyń aǵyny jyl basynan beri 392 mlrd teńgeni qurady», - dedi ol.
Onyń paıymynsha, bıylǵy 11 tamyzda Moody's halyqaralyq reıtıngtik agenttiginiń Qazaqstannyń táýelsiz kredıttik reıtıngin «Vaa3» deńgeıinen turaqty boljammen «Vaa2» deńgeıine deıin arttyrýy ishki valıýta naryǵy úshin mańyzdy oń oqıǵa bolyp otyr.
