Ulttyq bank teńge baǵamynyń tómendeýine qatysty pikir bildirdi
«Biz Ulttyq bank saıtynda kún saıyn damýshy naryqtar valıýtasynyń qubylmalylyǵyn ornalastyryp otyramyz. Onda brazılııalyq, meksıkalyq bar. Ol jerde kez kelgen jaǵyna aýytqý kórinip tur, 4 paıyzǵa deıin jetedi. Sondyqtan da bul devalvatsııa emes. Bul belgili bir valıýtalyq naryqtaǵy baǵamnyń aýytqýy ǵana», - dedi Alpysbaı Ahmetov Úkimet otrysy aıasynda BAQ ókilderine bergen suhbatynda.
Onyń aıtýynsha, valıýta baǵamynyń aýytqýy irgeli faktorlarǵa baılanysty bolsa, onda Ulttyq bank ıntervantsııa júrgizbeıdi.
«Eger teńge baǵamynyń aýytqýy irgeli faktorlarmen baılanysty bolmasa, onda ıntervantsııa jasaımyz. Aıtalyq, keıde sarapshylar aýytqýdy keıbir saıası oqıǵalarmen baılanystyryp pikir bildirip jatady», - dedi ol.
Sondaı-aq, Alpysbaı Ahmetov bul máselede barlyǵy da suranys pen usynys arqyly aıqyndalatyndyǵyn basa aıtty.
«2015 jyldyń tamyzynan teńge erkin qubylmalyq baǵam engizdi. ıAǵnı, Ultyq bank valıýtalyq naryqqa aralaspaıdy. Tek irgeli faktorlar jaǵdaıynda ǵana qatysady. Sondyqtan da barlyǵy da suranys pen usynys arqyly aıqyndalady», - dep atap ótti ol.