Ulttyq bank teńge baǵamyna qandaı faktorlar áser etkenin túsindirdi
«Aıdyń qorytyndysy boıynsha, teńgeniń aıyrbas baǵamy 477,07-ge deıin 1,5 paıyzǵa qalypty túrde álsiredi. Mundaı dınamıkaǵa syrtqy faktorlar da, ishki faktorlar da yqpal etti. Ekinshi aı qatarynan munaıǵa baǵa belgileý tómendegenin atap ótken jón. Budan basqa, AQSh-ta mólsherlemeni agressıvti kóterý – ulttyq valıýtaǵa, sondaı-aq damýshy naryqtardyń valıýtalaryna qysym jasaýyn toqtatqan joq. Іshki faktorlar jaǵynan jalǵasyp kele jatqan demalystar kezeńi men kompanııalardyń dıvıdend tóleýi bir aı ishinde shetel valıýtasyna degen suranystyń artýyna yqpal etti», - dedi Álııa Moldabekova.
Máselen, onyń dereginshe, saýda-sattyqtyń ortasha bir kúndik kólemi ótken aıdaǵy 96,4 mln AQSh dollarymen salystyrǵanda shildede 118,6 mln AQSh dollaryna deıin ulǵaıdy.
Shildeniń sońyna qaraı teńge baǵamy pozıtsııasyn birshama qalpyna keltirip, eksporttaýshylardyń salyǵy arqasynda álsireý qarqynyn azaıtty.
«Kvazımemlekettik sektor sýbektileriniń 543,9 mln AQSh dollary kóleminde satýy, sondaı-aq 599,2 mln AQSh dollary mólsherinde Ulttyq qordan transfertti qamtamasyz etý úshin valıýtany satýy aıyrbas baǵamyna bir aı boıy qoldaý kórsetti. Ulttyq bank valıýtalyq ınterventsııa júrgizgen joq», - dedi ol.
