Ulttyq bank teńge baǵamyna qandaı faktorlar áser etetinin túsindirdi
ALMATY. QazAqparat – Ulttyq banktiń monetarlyq operatsııalar departamentiniń dırektory Nurjan Tursynhanov valıýta naryǵyndaǵy ahýal men negizgi tendentsııalar týraly aıtyp berdi, dep habarlaıdy QazAqparat tilshisi.
Búgin Qazaqstan qor bırjasyndaǵy saýda-sattyq qorytyndysy boıynsha, teńgeniń 1 dollarǵa qatysty baǵamy arzandady
«Álemdik naryqta AQSh dollarynyń nyǵaıýy, munaı óńdeý zaýyttarynyń josparly tehnıkalyq qyzmet kórsetý úshin jabylýy jáne OPEK elderiniń munaı óndirisin birtindep qaıtarýy 2 qyrkúıekte munaı baǵasyna aıtarlyqtaı qysym jasady. Bir kúnde munaı baǵasy 1, 20 dollarǵa nemese (-) 2,61%-ǵa tómendedi. Sodaı-aq, energııa naryǵyndaǵy turaqsyzdyq damýshy elderdiń valıýtasyna da áser etti. Mysaly, Indonezııa men Ońtústik Afrıka valıýtalary bir kún ishinde (-) 1,2% jáne (-) 1% tómendedi» , - deıdi Nurjan Tursynhanov.
Onyń aıtýynsha, teńgeniń AQSh dollaryna shaqqandaǵy baǵamy munaı baǵasynyń quldyraýyna jáne damýshy elder valıýtasynyń álsireýi áserinen de tómendedi.
Qazaqstan qor bırjasyndaǵy saýda-sattyq barysynda bir dollar baǵamy - 420,35 teńge deńgeıinde qalyptasty, bul (-) 0,44% tómen.
