Ulttyq bank teńge baǵamyna áser etetin faktordy túsindirdi
Ulttyq bank ókiliniń sózinshe, maýsymnyń qorytyndysy boıynsha teńge baǵamy bir dollar úshin 470,24 teńgege deıin nemese 13,3 paıyzǵa álsiredi. Naryqtaǵy mundaı ózgeristerge syrtqy faktorlarmen qatar ishki faktorlar da sebepshi boldy.
«Birinshi kezekte, AQSh dollary pozıtsııasynyń kúsheıgenin atap ótken jón. Іshki faktorlar arasynda – dıvıdendter tóleý kezeńinde zańdy tulǵalar tarapynan valıýtaǵa suranystyń artýy jáne eksporttaýshylardyń salyqty tóleýge satýdyń qysqarýyna baılanysty valıýta usynysynyń tómendeýi. Kvazımemlekettik sektor kompanııalarynyń shamamen 480,4 mıllıon AQSh dollaryn quraǵan valıýtalyq túsimin satýy jáne Ulttyq qordan respýblıkalyq bıýdjetke transfertterdi qamtamasyz etý úshin valıýtany satý usynys jaǵynan valıýta naryǵyna qoldaý kórsetti», - dedi Álııa Moldabekova.
Sonymen qatar, ol maýsym aıynda Ulttyq bank ishki valıýta naryǵynda valıýtalyq ınterventsııalar júrgizbegenin jetkizdi. Naryq sentımenti men qubylmaly bolýy naryq jaǵdaıyna sáıkes kelgen.
«Aıyrbastaý baǵamynyń ózgermeli rejıminde teńge úshin qubylmalylyqtyń bolýy qalypty jaǵdaı ekenin atap ótkim keledi», - dedi Ulttyq bank tóraǵasynyń orynbasary Álııa Moldabekova.
Mamannyń aıtýynsha, tirkelgen baǵam saıasaty qysqa merzimdi turaqtylyq elesin qalyptastyrady. Ony uzaq ýaqyt boıy jasandy jolmen ustap turý altynvalıýta rezervterin jumsaý esebinen ǵana múmkin.
«Nátıjesinde bul ulttyq valıýta baǵamyn devalvatsııalaý qajettiligine alyp keledi. Óz kezeginde, teńgeniń erkin ózgermeli baǵamy syrtqy ortanyń ózgeristerine birden den qoıýǵa múmkindik beredi. Bul ekonomıkadaǵy teńgerimsizdikterdiń jınaqtalýyn boldyrmaıdy, sondaı-aq eldiń altynvalıýta rezervteriniń saqtalýyna yqpal etedi. Sondyqtan Ulttyq Bank tirkelgen baǵamǵa kóshý máselesin qarastyrmaıdy»,- dedi ol.
