Ulttyq bank: Teńge baǵamyn tejeýdiń keri áseri bolýy múmkin

ALMATY.QazAqparat - Ulttyq banktiń monetarlyq operatsııalar departamentiniń dırektory Álııa Moldabekova teńgeniń AQSh dollary aldynda quldyraýyn túsindirdi, dep habarlaıdy QazAqparat tilshisi.

«Qubylmalylyq senimdi buzady. Osy sebepti halyq pen zańdy tulǵalar valıýta baǵamyna senim bildire almaı otyr. Mundaı kezeńde teńgeniń kóterilýin ne túsýin saqtap turý serippe ustaǵap turǵanmen birdeı. Qatty qysymnan yrshyp ketip, tizginnen aıyrylyp qalýymyz ábden múmkin. Qubylmalyqty alystan baqylaý kerek. Valıýta baǵamy eki jaqqa da birdeı qulaıdy delik, áıtkenmen bul terbelisti 3-5 aıdyń ishinde synǵa alýǵa bolmaıdy»,-dedi Álııa Moldabekova «Qazaqstan Ulttyq banki aqshalaı nesıelik saıasaty» taqyrybynda ótken dóńgelek ústelde.

Onyń sózinshe, teńgeniń AQSh dollaryna qatysty álsireýine syrtqy faktorlar áser etken. Reseıdegi rýbldiń qunsyzdanýy osynyń bir mysaly.