Ulttyq bank telefon nómiri arqyly tólem júrgizý júıesin iske qosty
Ulttyq bank málimetinshe, servıs uıaly telefon nómirimen túrli bankterdiń klıentteri arasynda jáne 24/7 rejiminde táýliktiń kez kelgen ýaqytynda ulttyq valıýtamen aqsha aýdarýǵa múmkindik beredi. Ol úshin aqsha jóneltýshiniń mobıldik qosymshada nemese óziniń júıege qatysýshy bankiniń Internet bankıng júıesinde aqsha alýshynyń mobıldik telefonynyń nómirin, aýdarylatyn aqsha somasyn jáne aqsha alýshynyń bankin engizýi qajet. Alýshyǵa onyń júıege qatysýshy banktegi shotyna aqsha lezde esepteledi.
Júıede banktiń shoty, tólem kartasynyń jáne elektrondyq aqshany paıdalaný sııaqty aqy tóleýdiń jáne bankter klıentteriniń tarapynan aýdarymdy alýynyń túrli quraldary bar. Bir tranzaktsııanyń eń joǵary lımıti 500 myń teńgeni quraıdy. Qatysýshy bankter úshin júıede tranzaktsııalarǵa qyzmet kórsetý tarıfi tranzaktsııa somasyna qaramastan bir tólem (aýdarym) úshin 1 teńgeden az bolady.
Tájirıbelik-ónerkásiptik paıdalaný aıasynda júıeniń alǵashqy qatysýshylary «Bank TsentrKredıt» AQ jáne «Altyn Bank» AQ (China CITIC Bank Corporation Limited EB) bolyp tabylady. Basqa da birqatar bankter júıege qosylý satysynda.
«Júıede kórsetiletin qyzmetterdi kezeń-kezeńimen damytý josparlanyp otyr. Birinshi kezeńde jeke tulǵalar arasyndaǵy aýdarymdar (P2P-aýdarymdar), kelesi kezeńderde zańdy tulǵalardyń paıdasyna, onyń ishinde QR-kodtardy paıdalana otyryp júrgiziletin tólemder, suratý boıynsha tólemder jáne basqa da tólem túrleri qoljetimdi bolady. Qazaqstanda Mezettik tólemder júrgizý júıesin engizý paıdalanylatyn tólem quralyna (banktik shottar, tólem kartochkasy, elektrondyq ámııan) jáne qyzmet kórsetetin bankke qaramastan túrli qashyqtyqtan qol jetkizý arnalary arqyly qoljetimdi, halyqqa jáne bıznes sýbektilerine qolaıly, jyldam, senimdi jáne arzan tólem qyzmetin kórsetýge baǵyttalǵan», - dep atap ótedi Ulttyq bank baspasóz qyzmeti.