Ulttyq bank telefon arqyly jumysqa qabyldaıtyn boldy
ALMATY. QazAqparat - Qazaqstan Respýblıkasy Ulttyq Bankiniń mobıldik qosymshasynda jumysqa ornalasý bólimi ashyldy, dep habarlaıdy QazAqparat tilshisi banktiń baspasóz qyzmetine silteme jasaı otyryp.
«Qazaqstan Respýblıkasy Ulttyq Bankiniń «QUB «Online» mobıldik qosymshasynda 2017 jylǵy 16 mamyrdan bastap «Jumysqa ornalasý» degen jańa bólim iske qosyldy», delingen bank habarlamasynda.
Bul bólimde mobıldik qosymshany paıdalanýshy banktiń kadr qyzmeti qyzmetkerlerimen habarlasyp, irikteý kezeńinde qoıylatyn saýaldarǵa shuǵyl túrde jaýap alady. Sonymen birge, joǵary oqý ornynyń stýdenti nemese magıstranty Ulttyq Bankte praktıkadan ótý máselesi boıynsha nusqaýlar ala alady.
Eske sala keteıik, Ulttyq Bank halyqpen etene baılanys jasaý úshin «QUB «Online» servısin 2016 jylǵy qarashada iske qosqan bolatyn.
«QUB «Online» mobıldik qosymshasyn App Store jáne Play Market dúkenderinen memlekettik jáne orys tilderinde júktep alýǵa bolady.
