Ulttyq bank telefon alaıaqtarynyń jańa shemasy týraly eskertti
«Qazaqstan Ulttyq banki ózderin polıtsııa nemese Ulttyq bank qyzmetkeri retinde tanystyratyn telefon-alaıaqtarynyń paıda bolǵanyn eskertedi. Olar «zańsyz áreketi úshin bank menedjerin ustaýǵa arnaıy operatsııa» júrgizemiz degen jeleýmen azamattardy nesıe rásimdeýge nemese mıkroqaryz alýǵa úgittep, aqshany úshinshi tulǵanyń shotyna aýdarýǵa kóndiredi», - delingen habarlamada.
Málim etilgendeı, keıde alaıaqtar polıtsııa qyzmetkeri retinde qońyraý shalyp, Ulttyq bankpen arnaıy operatsııa ótkizip jatqanyn aıtady. Senimdilik úshin telefon jelisine Ulttyq bank qyzmetkerin qosqan bolady.
«Ulttyq bank quqyq qorǵaý júıesiniń nemese Ulttyq banktiń jalǵan qyzmetkeri telefon shalǵan kezde áńgimeni toqtatýǵa, «bank menedjerin ustaý» boıynsha alaıaqtyq pıǵyldaǵy is-qımyldarǵa qatyspaýǵa, dereý quqyq qorǵaý organdaryna aryz túsirýge shaqyrady.
Sondaı-aq Ulttyq bank mobıldik qosymshalardy júkteýge, derbes derekterdi ashýǵa, mobıldi telefonǵa qashyqtan kirýge ruqsat berýge jáne telefonmen sóılesý kezinde alynǵan nusqaýlar boıynsha úshinshi tulǵalardyń shotyna aqsha aýdarýǵa bolmaıtynyn eskertedi», - dedi vedomstvodan.
1477 qysqa nómiri boıynsha Ulttyq banktiń baılanys ortalyǵyna keńes alý úshin habarlasýǵa bolady.
