Ulttyq bank taýar ımportynyń artý sebebin atady
«Aldyn ala qorytyndy boıynsha 9 aıda tólem balansy aǵymdaǵy shotynyń defıtsıti ósip, 2018 jylǵy 9 aıdaǵy 1,8 mlrd dollarmen salystyrǵanda 4,7 mlrd dollardy qurady. Taýarlar eksporty 2,2 paıyzǵa qysqaryp, 42,7 mlrd dollar boldy. Bul munaı baǵasynyń tómendeýine jáne munaı men gaz kondensaty naqty jetkizilýiniń 3,1 paıyzǵa qysqarýyna baılanysty. Brent markaly munaıdyń ortasha aılyq baǵasy qańtar-qazanda bir barrel úshin 64,2 dollar boldy. Bul ótken jylǵy osyndaı kezeńnen 13 paıyzǵa tómen», - dedi ol.
Onyń dereginshe, metall eksportynyń naqty kólemi turaqty boly qaldy. Alaıda keıbir metaldar baǵasynyń tómendeýi olardyń eksportynyń 5,2 paıyzǵa qysqarýyna ákeldi.
«Taýarlar ımporty 9 aıda 12,2 paıyzǵa 28,2 mlrd dollarǵa deıin ósti. Bul ınvestıtsııalyq taýarlardy ákelýdiń 31,4 paıyzǵa jáne azyq-túlikke jatpaıtyn taýarlardy ákelýdiń 11,2 paıyzǵa ulǵaıýy nátıjesinde oryn aldy. Importtyń ósýi iri shıkizat jáne ınfraqurylymdyq jobalardy, onyń ishinde TShO, Qashaǵan, «Sary-Arqa» gaz qubyry, Úlken Almaty aınalmaly avtomobıl joly, «Hendaı» avtozaýytyn iske asyrýdy jalǵastyrý úshin materıaldar men jabdyqty satyp alýǵa baılanysty», - dedi Ulttyq bank tóraǵasy.