Ulttyq bank «Sultan Beıbarys», «Tamǵaly Petroglıfteri» jáne «Aq degelek» monetalaryn aınalymǵa shyǵardy

«Sultan Beıbarys» monetasy. Bet jaǵynda (aversinde) ortalyq bóliginde Qazaqstan Respýblıkasy Eltańbasynyń altyn jalatylǵan beınesi, monetanyń nomınalyn bildiretin «100 TENGE» degen jazý, at ústinde shaýyp bara jatqan jaýyngerdiń beınesi, Qazaqstan Teńge saraıynyń taýar belgisi jáne soǵylǵan jylyn bildiretin «2012» degen san ornalasqan. Aınaldyra shyǵyńqy jıek jáne memlekettik tilde «Qazaqstan Ulttyq banki» jáne aǵylshyn tilinde «NATIONAL BANK OF KAZAKHSTAN» degen jazýy bar. Jazýlar núktelermen bólingen.

Monetanyń syrt jaǵynda (reversinde) ortalyq bóliginde shyǵys stılindegi ǵımarattardyń stıldendirilgen beınelerinen jasalǵan kollajdyń jáne shaıqasyp jatqan jaýyngerlerdiń aıasynda atqa mingen uly qolbasshy Sultan Beıbarystyń beınesi beınelengen. Aınaldyra shyǵyńqy  jıek jáne aǵylshyn tilinde «SULTAN BAYBARS» degen jazý, qolbasshynyń ómir súrgen jyldaryn bildiretin «1223-1277» degen sandar, moneta daıyndalǵan metaldy, onyń synamasyn jáne massasyn bildiretin «Ag 925 31,1g.» degen jazý bar. Jazýlar núktelermen bólingen.

Qyry - bederli.

Moneta 925 synamdy kúmisten jasalǵan, massasy 31,1 gramm, dıametri - 38,61 mm daıyndaý sapasy - «proof» eń kóp taralymy - 15 myń dana.

«Tamǵaly Petroglıfteri» monetasy (salmaǵy 24 gramm). Monetanyń pishini tórt qyrly.  Monetalardyń bet jaǵynda  (aversinde) ortalyq bóliginde jyltyr betinde «súrgishti mórmen» kómkerilgen Qazaqstan Respýblıkasynyń  Eltańbasy jáne memlekettik tilde «Qazaqstan Ulttyq banki» jáne aǵylshyn tilinde «NATIONAL BANK OF KAZAKHSTAN» degen jazýlar bar. Monetany aınaldyra, stıldendirilgen tas betinde Tamǵaly arheologııalyq landshaftynyń petroglıfteri salynǵan, Qazaqstan Respýblıkasy Ulttyq Bankiniń logotıpi jáne Qazaqstan Teńge sraıynyń taýar belgisi bar. Monetanyń tómengi jaǵynda monetanyń nomınalyn bildiretin «500 TEŃGE» degen jazý bar. Joǵarǵy jaǵynda moneta daıyndalǵan metall men onyń synamyn bildiretin «Ag 925» degen jazý, soǵylǵan jylyn bildiretin «2012» degen san, monetanyń massasyn bildiretin «24g» degen jazý bar.

Monetanyń syrt jaǵynda (reversinde) ortalyq bóliginde tastaǵy jaryqshaqty tesip ósken gúlmen birge «Kók táńiri» petroglıfá beınelengen. Boıaý baspasy joq monetada gúldiń beınesi altyndatylǵan. Monetany aınaldyra memlekettik tilde «TAMǴALY PETROGLIFTERІ» jáne aǵylshyn tilinde «PETROGLYPHA OF TAMGALY» degen jazýlar oıyp jazylǵan. Jazýlar núktelermen bólingen.

Qyry - tegis, bederlenbegen jáne jazbalary joq.

Monetalar  925 synamdy kúmisten jasalǵan, massasy 24 gramm, dıametri - 31,0 h 31,2 mm., daıyndaý sapasy - «proof» , taralymy - 5 myń  dana.

«Tamǵaly Petroglıfteri» monetasy (salmaǵy 50 gramm). Monetanyń pishini tórt qyrly.  Monetalardyń bet jaǵynda  (aversinde) ortalyq bóliginde jyltyr betinde «súrgishti mórmen» kómkerilgen Qazaqstan Respýblıkasynyń Eltańbasy jáne memlekettik tilde «Qazaqstan Ulttyq banki» jáne aǵylshyn tilinde «NATIONAL BANK OF KAZAKHSTAN» degen jazýlar bar.Monetany aınaldyra, stıldendirilgen tas betinde Tamǵaly arheologııalyq landshaftynyń petroglıfteri salynǵan, Qazaqstan Respýblıkasy Ulttyq bankiniń logotıpi jáne Qazaqstan Teńge sraıynyń taýar belgisi bar. Monetanyń tómengi jaǵynda monetanyń nomınalyn bildiretin «500 TEŃGE» degen jazý bar. Joǵarǵy jaǵynda moneta daıyndalǵan  metall men onyń synamasyn bildiretin «Ag 925» degen jazý, soǵylǵan jylyn bildiretin «2012» degen san, monetanyń massasyn bildiretin «50g» degen jazý, Eýrazııa ekonomıkalyq qoǵamdastyǵy elderiniń resmı emblemasy bar.

Monetanyń syrt jaǵynda (reversinde) ortalyq bóliginde tastaǵy jaryqshaqty tesip ósken gúlmen birge «Kók táńiri» petroglıfá beınelengen. Boıaý baspasy joq monetada gúldiń beınesi altyndatylǵan. Monetany aınaldyra memlekettik tilde «TAMǴALY PETROGLIFTERІ» jáne aǵylshyn tilinde «PETROGLYPHA OF TAMGALY» degen jazýlar oıyp jazylǵan. Jazýlar núktelermen bólingen.

Qyry - tegis, bederlenbegen jáne jazbalary joq.

Monetalar  925 synamaly kúmisten jasalǵan, massasy 50 gramm, dıametri - 40,1 h 40,4 mm., daıyndaý sapasy - «proof» , taralymy - 5 myń  dana.

«Aq degelek» monetasy. Bet jaǵynda (aversinde) ortalyq bóliginde Qazaqstan Respýblıkasy Eltańbasynyń  beınesi, moneta daıyndalǵan metaldy, onyń synamasyn jáne salmaǵyn bildiretin «Ag 925 24g.» degen jazý, ulttyq oıý-órnektiń eki elementiniń beınesi, monetanyń nomınalyn bildiretin «100 TENGE» degen jazý jáne Qazaqstan Teńge saraıynyń taýar belgisi bar. Aınaldyra memlekettik tilde «Qazaqstan Ulttyq banki» degen jazý, soǵylǵan jylyn bildiretin «2012» degen jazý jáne shyǵyńqy jıek bar. Jazýlar men sandar núktelermen bólingen.

Monetanyń syrt jaǵynda (reversinde) ortasynda ózine tán tirshilik etý ortasy - batpaqty jerdiń aıasynda altyn jalatylǵan Aq degelektiń beınesi ornalasqan. Monetany aınaldyra memlekettik tilde «AQ DEGELEK», túrdiń latynsha aty «CICONIA CICONIA» degen jazý jáne shyǵyńqy jıek bar. Jazýlar núktelermen bólingen.

Qyry - bederli.

Moneta 925 synamaly kúmisten jasalǵan, massasy - 24 gramm, sopaqsha 38,61 h 28,81 mm., daıyndaý sapasy- «proof» eń kóp taralymy - 15 myń dana.