Ulttyq bank shetel valıýtasyn satý-satyp alýdyń shekti baǵasyn belgiledi

NUR-SULTAN. QazAqparat – Qazaqstan Ulttyq banki qarjy naryǵy qatysýshylarynyń valıýtalardy satyp alý jáne satý baǵamdary arasynda negizsiz joǵary marjany ornatýyna jol bermeý boıynsha shuǵyl sharalar qabyldady, dep habarlaıdy QazAqparat.

«2020 jylǵy 19 naýryzda «Aıyrbastaý pýnktteri arqyly júrgiziletin operatsııalar boıynsha shetel valıýtasyn teńgege satyp alý baǵamynyń satý baǵamynan aýytqý shekterin belgileý týraly» Qazaqstan Respýblıkasy Ulttyq banki basqarmasynyń №33 qaýlysy qabyldandy. Qaýlyda ýákiletti bankterdiń jáne ýákiletti uıymdardyń (banktik emes aıyrbastaý pýnktteri) aıyrbastaý pýnktteri arqyly júrgiziletin operatsııalar boıynsha shetel valıýtasyn satyp alý baǵamynyń satý baǵamynan aýytqý shekterin: 1) AQSh dollary - 6 teńge; 2) eýro - 7 teńge etip belgileý kózdeledi», - delingen Ulttyq bank taratqan aqparatta.

Bul sharalar elde tótenshe jaǵdaı rejıminiń qoldanylý ýaqytynda («Qazaqstan Respýblıkasynda tótenshe jaǵdaı engizý týraly» Qazaqstan Respýblıkasy Prezıdentiniń 2020 jylǵy 15 naýryzdaǵy № 285 Jarlyǵy) iske asady jáne ishki valıýta naryǵyna syrtqy faktorlardyń turaqsyzdandyratyn áserin shekteýge jáne qarjylyq turaqtylyqty qamtamasyz etýge járdemdesýge baǵyttalǵan.