Ulttyq bank «Saq stılindegi» monetalar shyǵarady

ASTANA. QazAqparat - Qazaqstan Ulttyq Banki 2022 jylǵy 28 jeltoqsanda kádesyı blıster jıyntyǵynda «Saqtardyń stıli» aınalymdaǵy bıkolorly monetalaryn shyǵarady. Olar QUB ınternet-dúkeni arqyly satylady, dep habarlaıdy QazAqparat.

Monetalardy satý kúni týraly aqparat QUB resmı saıtynda qosymsha ornalastyrylady.

«Saqtardyń stıli» kádesyı blıster jıyntyǵynda nomınaly 100 teńgelik, massasy

6,45 gramm, dıametri 24,5 mm bolatyn brilliant uncirculated daıyndaý sapasymen nıbrass/neızılber qorytpasynan jasalǵan bıkolorly aınalymdaǵy monetalardyń bes túri bar. Jańa jıyntyq 30 000 dana taralymmen shyǵady.

1. «Buǵy». Jalaýly qoımasy. Jetisý (bizdiń dáýirimizge deıingi V-III ǵǵ.). Kóshpendilerdiń dúnıetanymynda buǵy tómengi jáne joǵarǵy álemdi baılanystyratyn nyshanǵa aınaldy

2. «Qanatty barys». Esik qorǵany (bizdiń dáýirimizge deıingi IV-III ǵ. sońy). Qar barysy – erlik pen baılyqtyń sımvoly.

3. «Maska». Shilikti. Shyǵys Qazaqstan (bizdiń dáýirimizge deıingi VIII-VII ǵǵ.) Onda otbasy - oshaq qasyn qorǵaıtyn úsh keskinniń beınesi: mysyq tektes jyrtqysh, eki arqar jáne ushatyn qus maskasy kórsetilgen.

4. «Buǵy túrindegi altyn áshekeı», Jalaýly, Jetisý (bizdiń dáýirimizge deıingi V-III ǵǵ.). Qyzyl buǵy beınesi – molshylyq pen urpaq jalǵasynyń sımvoly.

5. «Búktetilgen barys». Taldy-2. Ortalyq Qazaqstan (bizdiń dáýirimizge deıingi VII ǵ.). Búktetilgen barys fıgýrasyndaǵy saqına pishini – ýaqyttyń aýysymdyq jáne syrtqy álemmen úılesimdiliktiń belgisi.

Kádesyı blıster jıyntyǵyndaǵy «Saqtardyń stıli» monetalary – zańdy tólem quraly jáne olar tólemniń barlyq túri boıynsha qabyldanýǵa mindetti. ıAǵnı, taýar alǵanda jáne belgili bir qyzmet úshin tólem quraly retinde paıdalanýǵa bolady. Sonymen qatar bul monetalar Qazaqstan Respýblıkasynyń barlyq bankinde bank shottaryna esepke alý jáne aýdarý úshin qabyldanýy, usaqtalýy jáne aıyrbastalýy tıis.

Kádesyı blıster jıyntyǵyndaǵy «Saqtardyń stıli» monetalary Qazaqstan teńge saraıynda daıyndaldy.

Foto: nationalbank.kz